Tras ver os expedientes instruídos para os efectos das transmisións das bateas E.A.V.A. I e Ozores VII e das concesións administrativas que as amparan, resulta:
a) Antecedentes.
Primeiro. Mediante data do 5 de setembro de 2017, Manuel Ozores Fajardo e María Albina Viturro Alonso, solicitan autorización para transmisión mortis causa mediante pacto de mellora das concesións administrativas e das bateas E.A.V.A. I e Ozores VII.
Segundo. Os solicitantes achegaron a documentación requirida para a tramitación deste tipo de procedementos.
b) Consideracións legais e técnicas.
Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro).
Segunda. A Lei 2/2006, do 14 xuño, do dereito civil de Galicia (DOG número 124, do 29 de xuño), nos seus artigos 209 e seguintes, regula os pactos sucesorios como negocios mortis causa e coa forma de pactos de apartación ou pactos de mellora.
Terceira. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).
Vistas as disposicións citadas, esta consellería resolve:
Autorizar a transmisión mortis causa mediante pacto de mellora, a favor de Susana Ozores Viturro (76779060T), das concesións administrativas e das bateas que se indican a continuación:
Identificación:
Tipo: batea.
Nome: E.A.V.A. I.
Localización:
Cuadrícula: 81, polígono: B, distrito: Caramiñal (A Coruña).
Especies autorizadas: mexillón (Mytilus galloprovincialis).
Título administrativo habilitante: concesión de actividade.
Orde de outorgamento: 13 de agosto de 1975.
Remate da vixencia: 15 de decembro de 2019.
Actuais titulares: Manuel Ozores Fajardo e María Albina Viturro Alonso (76451246M, 33210168P) 100 % ganancial.
Nova titular: Susana Ozores Viturro (76779060T) 100 % privativa.
Identificación:
Tipo: batea.
Nome: Ozores VII.
Localización:
Cuadrícula: 4, polígono: E, distrito: Caramiñal (A Coruña).
Especies autorizadas: mexillón (Mytilus galloprovincialis).
Título administrativo habilitante: concesión de actividade.
Orde de outorgamento: 10 de xaneiro de 1968.
Remate da vixencia: 15 de decembro de 2019.
Actuais titulares: Manuel Ozores Fajardo e María Albina Viturro Alonso (76451246M, 33210168P) 100 % ganancial.
Nova titular: Susana Ozores Viturro (76779060T) 100 % privativa.
A nova titular das concesións administrativas queda subrogada nos dereitos e obrigas dos anteriores.
Así mesmo, e de acordo coa Resolución da Conselleria do Mar, do 15 de decembro de 2010, concédese unha axuda (expediente SXPA: PE205B/2010/000022-0). A nova titular do ben subvencionado subrógase en todas as obrigas contraídas polo transmitente da axuda concedida para equipamento de barco auxiliar Benfeito e non efectuará ningunha modificación fundamental das establecidas no artigo 56 do Regulamento (CE) 1198/2006.
Deberá manter os investimentos obxecto da axuda durante un período de cinco anos nos termos previstos no artigo 56 do Regulamento (CE) 1198/2006 e no artigo 24 da Orde do 22 de xaneiro de 2010 reguladora da axuda.
Dentro dos tres meses seguintes á data da transmisión, remitirá á Dirección Xeral de Pesca, Acuicultura e Innovación Tecnolóxica unha copia do documento público de transmisión no cal se recollan as obrigas en que se subroga desde o momento da publicación no Diario Oficial de Galicia da orde de autorización de transmisión mortis causa desta batea.
O incumprimento destas obrigas será causa do reintegro total da axuda recibida.
Contra a presente resolución, que esgota a vía administrativa, poderase interpor recurso potestativo de reposición no prazo dun mes ante a conselleira do Mar ou recurso contencioso-administrativo, ante a xurisdición contencioso-administrativa, que se interporá no prazo de dous meses contados en ambos os dous casos desde o día seguinte ao da súa publicación, de conformidade co disposto no artigo 123 e 124 da Lei 39/2015, do 1 de outubro, do procedemento administrativo común nas administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
A Coruña, 18 de setembro de 2017
A conselleira do Mar
Por delegación de sinatura (Resolución do 5.6.2017)
Juan Carlos Barreiro González
Xefe territorial da Coruña