Mediante Resolución da Alcaldía, do 16 de febreiro de 2017, e por instancia de Carmen López Sobral, en representación da Asociación de Veciños do Cemiterio de Santomé de Piñeiro Vello, iniciouse expediente para a clausura do cemiterio parroquial de San Tomé de Piñeiro. En consecuencia, exponse ao público cunha antelación de tres meses, mediante a publicación no BOP, no DOG e nun xornal dos de maior circulación no municipio, co obxecto de que as persoas interesadas poidan alegar o que consideren oportuno e afín aos seus intereses, de conformidade co artigo 31 do Decreto 151/2014, do 20 de novembro, de sanidade mortuoria de Galicia.
Durante o referido período, o expediente poderá ser examinado nas dependencias da Secretaría Municipal, das 8.00 ás 15.00 horas, de luns a venres.
Marín, 16 de febreiro de 2017
María Ramallo Vázquez
Alcaldesa