O Pleno da Corporación, en sesión que tivo lugar o día 31 de maio de 2017, acordou desestimar as alegacións presentadas e aprobar definitivamente o expediente 29/2016.PED de estudo de detalle para o reaxuste das aliñacións entre os números 20 e 28 da avenida Alcalde Manuel Platas Varela, tramitado por instancia de Construcciones Navila, S.L. segundo o proxecto técnico asinado pola arquitecta María Dolores Crespo Chouza con data de novembro de 2016.

Así mesmo, acordouse levantar a suspensión de outorgamento de licenzas no ámbito do estudo de detalle acordada na Resolución da Alcaldía 368/2017, do 14 de febreiro de 2017.

Contra o acordo de aprobación definitiva deste estudo de detalle, instrumento de planeamento que ten natureza de disposición xeral, poderase interpoñer recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio (artigo 46 da Lei 29/1998, do 13 de xullo, reguladora da xurisdicción contencioso-administrativa).

O contido íntegro do estudo de detalle pódese consultar no seguinte enderezo electrónico:

http://www.arteixo.org/gl/noticia/estudio-de-detalle-para-o-reaxuste-das-alineacions

Arteixo, 20 de setembro de 2017

Carlos Calvelo Martínez
Alcalde presidente