De conformidade co establecido nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, segundo a disposición transitoria terceira da Lei 39/2015, do 1 de outubro, do procedemento administrativo común das administracións públicas, notifícaselle á empresa que a continuación se relaciona o trámite de audiencia no expediente sancionador por infracción na orde social (materia seguridade e saúde), devolto polo servizo de Correos por resultar descoñecido o seu destinatario ou ben porque, intentada a notificación, esta non se puido efectuar.

A interesada dispón dun prazo de oito (8) días, contados desde o día seguinte ao da publicación deste anuncio no Boletín Oficial del Estado, para presentarse debidamente acreditada perante a Xefatura Territorial da Consellería de Economía, Emprego e Industria en Lugo, para os efectos de que poida formular novas alegacións á vista do expediente, que deberá presentar no prazo de tres días desde a data da súa comparecencia, e o expediente sancionador quedará visto para a proposta de resolución.

O expediente relacionado está á disposición da interesada no Servizo de Emprego e Economía Social da citada Xefatura Territorial da Consellería de Economía, Emprego e Industria en Lugo, sito na rolda da Muralla, 70, planta baixa, das 9.00 ás 14.00 horas, de luns a venres.

Expediente: 53/2010.

Empresa principal: Acerías As Pontes, S.L.

NIF/CIF: B15702285.

Enderezo: pol. Penapurreira, parcela B6, 15320 As Pontes de García Rodríguez (A Coruña).

Empresa responsable solidaria: Construcciones Vila Miño, S.A.

Lugo, 29 de setembro de 2017

Pilar Fernández López
Xefa territorial de Lugo