Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben cando, intentada esta, non se puidese practicar...», mediante o presente anuncio convócanse todas as persoas interesadas no acto de levantamento das actas previas á ocupación dos bens e dereitos afectados pola instalación eléctrica denominada repotenciación de dous tramos da LMT PMR806, no concello de Ribeira (expediente IN407A 2016/3020-1), acto que terá lugar sobre o terreo segundo o calendario e os datos que se sinalan no cadro anexo que máis abaixo se detalla.

Ao acto deberán comparecer as persoas propietarias ou titulares de dereitos sobre os bens afectados por si ou representados por unha persoa debidamente autorizada, exhibindo o seu DNI/NIF así como os documentos acreditativos da titularidade.

A Coruña, 21 de setembro de 2017

Isidoro Martínez Arca
Xefe territorial da Coruña

ANEXO

Expediente: IN407A 2016/3020-1.

Entidade beneficiaria: Unión Fenosa Distribución, S.A.

Denominación da instalación: repotenciación de dous tramos da LMT PMR806.

Concello: Ribeira.

Predio	Concello	Paraxe	Titularidade	Data	Hora
6	Ribeira	Ordoño	María Muñiz Muñiz	26.10.2017	10.30