Para os efectos previstos na Lei 24/2013, do 26 de decembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Unión Fenosa Distribución, S.A.

Domicilio social: A Batundeira, 2, 32960 Velle.

Denominación: adecuación CT San Fiz.

Situación: A Veiga.

Descricións técnicas:

Substitución do pórtico actual do CT San Fiz (32AM89) por un novo poste de formigón tipo HVH-11/1600. Neste poste proxectado sitúase o CT de 25 kVA existente (expediente 2016/55) aproveitando tamén o interruptor tetrapolar e o armario para a telexestión que está no mesmo CT.

Orzamento: 11.787 euros.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Curros Enríquez, 1, 4º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Ourense, 11 de setembro de 2017

Santiago Álvarez González
Xefe territorial de Ourense