Vista a proposta de nomeamento do tribunal cualificador en relación coas probas de selección para prover en réxime de interinidade a seguinte praza:
Escala: administración especial; subescala técnica; técnico/a superior; grupo: A1; clase: funcionario/a interino/a; número de vacantes: unha; denominación: arquitecto/a.
Cumpridos os requisitos e as condicións exixidas nas bases da convocatoria, de acordo co disposto no artigo 62 da Lei 7/2007, do 12 de abril, do Estatuto básico do empregado público.
De conformidade cos artigos 21 da Lei 7/1985, do 2 de abril, reguladora das bases de réxime local; o artigo 136 do Real decreto lexislativo 781/1986, do 18 de abril, polo que se aproba o texto refundido das disposicións legais vixentes en materia de réxime local; o artigo 7 do Real decreto 896/1991, do 7 de xuño, polo que se establecen as regras básicas e os programas mínimos a que se debe axustar o procedemento de selección dos funcionarios da Administración local,
RESOLVO:
Primeiro. Realizar o nomeamento de funcionaria interina á aspirante seguinte:
Beatriz Figueroa Núñez, con DNI 36153240T.
Segundo. O nomeamento terá vixencia ata que se cubra a vacante mediante funcionario/a de carreira e pode cesar, así mesmo, cando o Concello considere que xa non existe a razón de necesidade ou urxencia que motivou o nomeamento, ou ben cando por causas sobrevidas a praza sexa amortizada.
Terceiro. Notificarlle a presente resolución á funcionaria nomeada, comunicándolle que deberá tomar posesión e incorporarse no prazo dun mes a partir da publicación do nomeamento, logo de certificación do cumprimento de todos os requisitos da praza especificados nas bases da convocatoria.
Cuarto. Unha vez tomada posesión, publicar o nomeamento no Diario Oficial de Galicia, no Boletín Oficial da provincia de Lugo e no taboleiro de edictos deste concello, de acordo co disposto no artigo 60 e 81 da Lei 2/2015, do 29 de abril, do emprego público de Galicia.
Castro de Rei, 1 de agosto de 2017
Francisco Javier Balado Teijeiro
Alcalde presidente
