Tras ser aprobado o proxecto de xestión e o prego de cláusulas administrativas particulares para contratar a xestión do centro de día municipal Virxe do Carme de Sanxenxo, mediante a modalidade de concesión e procedemento aberto, anúnciase a convocatoria respectiva.
1. Obxecto: contrato da xestión do centro de día municipal Virxe do Carme de Sanxenxo.
2. Prezo.
a) Prezo máximo por usuario e mes do centro: 518,74 euros, incluído o IVE.
b) Prezo máximo por usuario e mes do transporte: 74,80 euros, incluído o IVE.
3. Duración do contrato: corenta e dous (42) meses, sen posibilidade de prórroga.
4. Procedemento: aberto, con multiplicidade de criterios de valoración. Tramitación: ordinaria.
5. Prazo de presentación de ofertas: quince (15) días naturais contados desde o seguinte ao da última publicación do presente anuncio, sexa esta no BOP, DOG ou no perfil do contratante.
6. Lugar de presentación das ofertas: dirixidas ao alcalde, presentaranse no Rexistro Xeral do Concello de Sanxenxo, rúa Consistorio, 4, 36960 Sanxenxo, das 9.00 ás 14.00 horas, de luns a venres. Faise constar que, se o prazo rematase en festivo ou sábado, se ampliará ao día hábil seguinte.
7. Mesa de contratación: será constituída consonte o disposto nas cláusulas 8ª, 9ª e 10ª dos pregos respectivos.
8. Condición específica de solvencia técnica: acreditación de estar debidamente inscrito o licitador no Rexistro Único de Entidades Prestadoras de Servizos Sociais dependente da consellería competente en materia de asuntos sociais da Xunta de Galicia, dentro da área de maiores, conforme o disposto no RAIS.
9. Solvencias.
a) Económico-financeira: acreditarase mediante o volume anual de negocios, referido ao ano de maior volume dentro dos tres (3) últimos exercicios, por importe igual ou superior a 777.000 euros (correspondente a unha vez e media do valor anual medio do contrato) sen incluír o IVE. Para estes efectos o licitador proposto para a adxudicación presentará copia das súas contas anuais aprobadas e depositadas no Rexistro Mercantil, se o empresario estivese inscrito no dito rexistro, e no caso contrario polas depositadas no rexistro oficial en que deba estar inscrito. Os empresarios individuais non inscritos no Rexistro Mercantil acreditarán o seu volumen anual de negocios mediante os seus libros de inventarios e contas anuais legalizados polo rexistro mercantil. Non será necesario acreditar esta solvencia se o licitador está inscrito no Rexistro Oficial de Licitadores e Empresas Clasificadas do Estado ou no Rexistro Xeral de Contratistas da Comunidade Autónoma de Galicia.
b) Técnica-profesional: acreditarase mediante a presentación por parte do licitador dunha relación dos principais servicios, que incluirá importe, datas e o destinatario, público ou privado, deles, realizados nos últimos cinco (5) anos anteriores á data finalización do prazo de presentación de ofertas desta licitación, e deberase acreditar o licitador como executado en servizos de igual ou similar natureza que os que constitúen o obxecto do contrato, tomando como criterio de correspondencia entre os servizos executados polo licitador e os que constitúen o obxecto do contrato, a pertenza ao mesmo subgrupo de clasificación para o CPV 85312100-0 ou a igualdade entre os dous primeiros díxitos do CPV 85312100-00 (85), durante o ano de maior execución do período citado, cun importe igual ou superior a 1.269.080,40 € (70 % do valor estimado do contrato) sen incluír o IVE. Os servizos acreditaranse mediante certificados expedidos ou visados polo órgano competente, cando o destinatario sexa unha entidade do sector público ou, cando o destinatario sexa un suxeito privado, mediante un certificado expedido por este ou, na falta deste certificado, mediante unha declaración do empresario.
10. Garantías. Provisional: non se exixe. Definitiva: o 5 % do valor estimado do contrato.
11. Criterios de adxudicación.
a) Criterio obxectivo de adxudicación avaliable matematicamente. Será o definido na cláusula 6ª do prego administrativo. A puntuación máxima é de cincuenta (50) puntos, desagregados:
i. Ata un máximo de corenta e seis puntos pola cantidade que percibirá mensualmente o concesionario por cada usuario do centro, que non poderá superar o tipo de licitación por usuario e mes, que figura na cláusula 2ª do prego (518,74 euros).
ii. Ata un máximo de catro puntos pola cantidade que vai percibir mensualmente o concesionario polo transporte de cada usuario que o necesite, que non poderá superar o tipo de licitación polo transporte do usuario que o necesite, que figura na cláusula 2ª do prego (74,80 euros).
b) Criterio de adxudicación dependente de xuízo de valor. Será o definido na cláusula 7ª do prego administrativo: para estes efectos os licitadores deberán presentar unha memoria que describa a xestión do centro, tendo en conta o previsto no prego, no proxecto e no prego de prescricións técnicas. A puntuación máxima por este criterio será de cincuenta (50) puntos.
12. Entidade e información: Concello de Sanxenxo, Negociado de Contratación. Teléfono: 986 72 00 75.
13. Documentación: recollerase no Concello de Sanxenxo e a través da web
www.sanxenxo.es no perfil do contratante.
Sanxenxo, 20 de setembro de 2017
Telmo Martín González
Alcalde presidente