En relación coa convocatoria publicada no DOG núm. 161 con data 25 de agosto de 2017, pola que se publicou a contratación non suxeita a regulación harmonizada polo Servizo Galego de Saúde de subministración e instalación de equipamento de refrixeración con destino ao Hospital Álvaro Cunqueiro de Vigo, acórdase que o prazo de presentación de proposicións se amplíe ata antes das 14.00 horas do décimo quinto día natural contado a partir do día seguinte ao da publicación desta resolución no DOG. Se o último día de presentación coincide en sábado ou día inhábil, na localidade de presentación das ofertas, este prazo prorrogarase ao primeiro día hábil seguinte.

Permanecen inalterados o resto dos aspectos detallados no anuncio orixinario, todo isto de conformidade co artigo 32 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 8 de setembro de 2017

Mª Jesús Piñeiro Bello
Directora xeral de Recursos Económicos