O tribunal nomeado pola Orde do 15 de febreiro de 2017 (DOG núm. 40, do 27 de febreiro) para cualificar o proceso selectivo para o ingreso no corpo superior da Administración xeral da Comunidade Autónoma de Galicia, subgrupo A1, escala de letrados, adoptou os seguintes acordos:

Primeiro. Declarar a todos/as os/as aspirantes que superaron o primeiro exercicio exentos da realización do terceiro exercicio por ter presentado a documentación xustificativa sinalada na base II da convocatoria.

Segundo. De acordo co previsto na base II.1.4 da orde de convocatoria, o cuarto exercicio do proceso selectivo realizarase os días 26 e 27 de setembro, ás 16 horas e 30 minutos, na sala E do Edificio Administrativo de San Caetano.

Terceiro. Convócanse para a realización do cuarto exercicio o 26 de setembro de 2017 os seguintes aspirantes:

DNI	Apelidos e nome
33552836E	Benedito Cadórniga, José Luis
47389325X	De la Fuente López, Marta

Cuarto. Convócase para a realización do cuarto exercicio o 27 de setembro, a seguinte aspirante:

DNI	Apelidos e nome
77464473J	Román del Arco, Paloma

Quinto. Os/as aspirantes deberán presentarse provistos de DNI ou documento fidedigno acreditativo da súa identidade, a xuízo do tribunal.

O chamamento para o exercicio será único, de xeito que os/as aspirantes que non comparezan serán excluídos/as.

Non se permitirá o acceso ás aulas en que se realice o exercicio con teléfonos móbiles, axendas electrónicas, reloxos intelixentes ou calquera outro instrumento do que se poida valer o aspirante para auxiliarse na realización do exercicio. Non se habilitará ningún servizo de recollida de móbiles.

Santiago de Compostela, 30 de agosto de 2017

Fernando Jorge Mora
Presidente do tribunal