Despois de intentar no tempo e na forma efectuar as notificacións que se relacionan no anexo sen que fose posible por causas non imputables á Administración, de conformidade cos artigos 40, 42, 44 e 46 da Lei 39/2015, do 1 de outubro, do procedemento administrativo común das administracións públicas, por medio deste anuncio notifícanselles ás persoas interesadas que se sinalan no anexo, ou ás persoas que as representen, cando as persoas interesadas non poidan comparecer fisicamente, as resolucións da Xefatura Territorial da Coruña relativas ás reclamacións previas á vía laboral ditadas no procedemento BS611A.

Para estes efectos, así como para coñecer o contido íntegro do acto que se notifica, as persoas interesadas, ou as representantes debidamente acreditadas, poderán comparecer, no prazo de dez días contados desde o seguinte ao da publicación deste anuncio no Boletín Oficial del Estado, nas dependencias da Sección de Cualificación e Valoración de Discapacidades do Servizo de Dependencia e Autonomía Persoal da Xefatura Territorial da Consellería de Política Social, sitas no edificio administrativo, ala sur, Monelos, rúa Vicente Ferrer, 2, 15008 A Coruña, das 9.00 ás 14.00 horas, de luns a venres. Transcorrido o dito prazo sen efectuarse a comparecencia, as notificacións entenderanse producidas para todos os efectos legais a partir do día seguinte ao do vencemento do prazo indicado para comparecer.

Contra esta resolución, que esgota a vía administrativa, poderán interpoñer demanda ante a xurisdición social no prazo de 30 días, contados desde a recepción deste escrito, de conformidade co artigo 71.6 da Lei 36/2011, do 10 de outubro, reguladora da xurisdición social (BOE núm. 245, do 11 de outubro).

A Coruña, 3 de xullo de 2017

A xefa territorial da Coruña
P.S. (Artigo 31.2 do Decreto 176/2015, do 3 de decembro)
Manuel José Morán García
Xefe do Servizo de Coordinación Administrativa da Coruña

ANEXO

Contido do acto	Nº de expediente	DNI	Apelidos e nome
Resolución desestimatoria de reclamación previa do 30.5.2017	CO215627	78791316D	Landeira García, Marcelino
Resolución desestimatoria de reclamación previa do 16.1.2017	CO129210	78787071L	López Méndez, José
Resolución desestimatoria de reclamación previa do 6.3.2017	CO214294	20625760G	Meijide Torres, Luis Arturo
Resolución de reclamación previa contra resolución de arquivamento por desistencia do 7.3.2017	CO212904	32344692E	Pailos Rodríguez, Hermosinda
Resolución desestimatoria de reclamación previa do 14.6.2017	CO63719	32773730H	Pérez González, Ricardo Miguel
Resolución estimatoria de reclamación previa do 13.3.2017	CO203920	53486913E	Reyes Lozano, Juan