Despois de tentar no tempo e na forma efectuar as notificacións que se relacionan no anexo sen que fose posible por causas non imputables á Administración, de conformidade cos artigos 40, 42, 44 e 46 da Lei 39/2015, do 1 de outubro, do procedemento administrativo común das administracións públicas, por medio deste anuncio notifícanselles ás persoas interesadas que se sinalan no anexo, ou as que as representen, cando as persoas interesadas non poidan persoarse fisicamente, as resolucións da Xefatura Territorial da Coruña relativas ao procedemento BS611A.

Para estes efectos, así como para coñecer o contido íntegro do acto que se notifica, as persoas interesadas, ou as que as representen debidamente acreditadas, poderán comparecer, no prazo de dez (10) días contados desde o seguinte ao da publicación deste anuncio no Boletín Oficial del Estado, nas dependencias da Sección de Cualificación e Valoración de Discapacidades do Servizo de Dependencia e Autonomía Persoal da Xefatura Territorial da Consellería de Política Social, sitas no edificio administrativo, ala sur, Monelos, rúa Vicente Ferrer, 2, 15008 A Coruña, das 9.00 ás 14.00 horas, de luns a venres. Transcorrido o dito prazo sen efectuarse a comparecencia, a notificación entenderase producida para todos os efectos legais a partir do día seguinte ao do vencemento do prazo indicado para comparecer.

Contra esta resolución, que non esgota a vía administrativa, poderán interpoñer reclamación previa á vía xurisdicional social nesta xefatura territorial, no prazo de trinta (30) días hábiles contados desde a recepción deste escrito, de conformidade co artigo 71 da Lei 36/2011, do 10 de outubro, reguladora da xurisdición social (BOE núm. 245, do 11 de outubro).

A Coruña, 3 de xullo de 2017

A xefa territorial da Coruña
P.S. (Artigo 31.2 do Decreto 176/2015, do 3 de decembro)
Manuel José Morán García
Xefe do Servizo de Coordinación Administrativa da Coruña

ANEXO

Contido do acto	Nº de expediente	DNI	Apelidos e nome
Resolución desestimatoria de revisión do 25.4.2017	CO12693	76323444Z	Arijón Río, Manuel
Resolución por falecemento e acordo do 19.5.2017	CO191483	33292781M	García Sendón, José
Resolución que acepta a desistencia e declara concluso o procedemento do 2.6.2017	CO216723	32404634A	González Carril, Manuel
Resolución desestimatoria de revisión do 22.5.2017	CO124148	78790792Z	Martínez Santiago, Mª del Mar
Resolución desestimatoria de revisión do 13.3.2017	CO184265	X7041647J	Moncada Vargas, Segunda
Resolución desestimatoria de revisión do 14.3.2017	CO195337	32817909Z	Salza Freire, Mª Luisa