De conformidade co Acordo da Xunta de Goberno Local do 26 de xullo de 2017, por medio deste anuncio efectúase a convocatoria de procedemento aberto, oferta máis vantaxosa, varios criterios de adxudicación, da obra de Renovación do colector de saneamento na rúa Aquilino Sánchez e na rúa San Cibrao conforme aos seguintes datos:

1. Entidade adxudicadora:

a) Organismo: Concello do Carballiño.

b) Dependencia que tramita o expediente: obras.

2. Obxecto do contrato:

a) Descrición do obxecto: renovación do colector de saneamento na rúa Aquilino Sánchez e na rúa San Cibrao.

b) Lugar de execución: rúa Aquilino Sánchez, rúa San Cibrao, rúa Loureiro e río Carrás.

c) Prazo de execución: dous meses.

3. Tramitación e procedemento:

a) Tramitación: ordinaria.

b) Procedemento: aberto.

4. Orzamento base da licitación:

a) Importe: 112.530,06 euros (IVE incluído).

5. Garantía provisional: non se exixe.

6. Garantía definitiva: 5 % do importe de adxudiación excluído o IVE.

7. Obtención de documentación e información:

a) Entidade: Concello do Carballiño.

b) Enderezo: praza Maior, 1.

c) Localidade e código postal: O Carballiño 32500.

d) Teléfono: 988 53 00 07.

e) Telefax: 988 53 00 08.

8. Requisitos específicos do contratista:

a) Solvencia económica: por calquera dos medios a que se refire o artigo 75 do texto refundido da Lei de contraros do sector publico (TRLCSP).

b) Solvencia técnica: mediante relación das obras executadas ou en curso dos últimos cinco anos, acompañada de certificados de boa execución.

c) Clasificación: grupo G, subgrupo 6, categoría 1.

9. Presentación das solicitudes de participación:

a) Data límite de presentación: rematará o vixésimo sexto día natural (26) a partir do día seguinte ao da última publicación deste anuncio no BOP, no DOG ou no perfil do contratante, das 9.00 ás 14.00 horas, de luns a venres.

b) Documentación que cómpre presentar: a que se especifica na cláusula 10 dos pregos de cláusulas administrativas particulares.

c) Lugar de presentación: Concello do Carballiño.

d) Prazo durante o cal o licitador estará obrigado a manter a oferta: ata a adxudicación definitiva.

10. Apertura de proposicións: ás 13.00 horas do noveno día hábil seguinte ao día en que finalice o prazo sinalado para a presentación de plicas.

11. Outras informacións: véxanse os pregos de cláusulas administrativas.

12. Gastos de anuncios: serán por conta do adxudicatario.

13. Perfil do contratante onde figuran as informacións relativas á convocatoria e onde se poden obter os pregos: www.carballino.gal

O Carballiño, 27 de xullo de 2017

Francisco José Fumega Piñeiro
Alcalde