Eu, Juan Rey Pita, letrado da Administración de xustiza do Xulgado do Social número 3 da Coruña, fago saber que no procedemento ordinario 1138/2014 deste xulgado do social, seguido por instancia de Daniel Montes González, Lucía M. Poyán Alonso e Diego Fernández Prada contra o Centro de Ejercicio Integral, S.L. e o Fogasa, sobre ordinario, se ditou Resolución do 28 de xuño de 2017 contra a que non cabe interpor recurso ningún de conformidade co artigo 191.2.g) da LRXS. Fáiselles saber que no devandito órgano xudicial os interesados poderán ter coñecemento íntegro da resolución.

E para que lle sirva de notificación en legal forma ao Centro de Ejercicio Integral, S.L., expido o presente edicto para a súa inserción no Diario Oficial de Galicia.

Advírtese a destinataria de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 26 de xullo de 2017

O letrado da Administración de xustiza