De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, as notificacións que non se puidesen practicar faranse por medio de anuncio no Boletín Oficial del Estado (BOE), quedando condicionada á súa publicación no taboleiro de edictos único (TEU) do BOE.
Intentouse a notificación por correo certificado aos titulares das empresas citadas no anexo, sen que fose posible, polo que se lles notifica por medio deste anuncio a resolución recaída nos correspondentes expedientes sancionadores.
Sen prexuízo do anterior e en virtude do disposto no artigo 44 da Lei 39/2015, do 1 de outubro, este anuncio publícase no Diario Oficial de Galicia.
Os interesados dispoñen do prazo dun mes, contado a partir do día seguinte ao da súa publicación no Boletín Oficial del Estado, para interpoñer recurso de alzada ante a Secretaría Xeral de Emprego, Consellería de Economía, Emprego e Industria, así como para comprobar o contido íntegro do expediente nas dependencias da Xefatura Territorial da Coruña, rúa Salvador de Madariaga, 9, 1º, A Coruña, das 9.00 ás 14.00 horas, de luns a venres.
Advírteselles de que, de non interpoñer recurso en tempo e forma, deberán aboar a sanción, utilizando necesariamente o documento de pagamento que poderán solicitar nesta xefatura territorial, nos seguintes prazos:
– Sancións notificadas antes do día 15 de cada mes, aboaranse antes do 29 do mes seguinte ao da notificación.
– Sancións notificadas despois do día 15 de cada mes, aboaranse antes do 5 do segundo mes seguinte á notificación.
De non facelo así, procederase á exacción pola vía executiva, nos termos previstos na Orde da Consellería de Economía e Facenda do 23 de novembro de 2001 (DOG do 5 de decembro).
A Coruña, 1 de agosto de 2017
Isidoro Martínez Arca
Xefe territorial da Consellería de Economía, Emprego e Industria
ANEXO
1. Expediente: RL 2017/83-1.
Acta inf. nº: I152017000132443.
Empresa: La Bottega Galicia, S.L.
NIF: B70308838.
Concello: A Coruña (A Coruña).
Materia: relacións laborais.
Data de resolución: 7 de xullo de 2017.
2. Expediente: RL 2017/118-1.
Acta inf. nº: I152016000136281.
Empresa: Decoraciones Ruasa, S.L.U.
NIF: B70076658.
Concello: Santiago de Compostela (A Coruña).
Materia: prevención de riscos laborais.
Data de resolución: 11 de xullo de 2017.