De conformidade co disposto no artigo 118 da Lei do solo de Galicia, comunícase que mediante a Resolución da Alcaldía número 2144/2017, do 1 de agosto, se aprobou inicialmente o proxecto de expropiación urbanística, polo sistema de taxación conxunta, para a dotación de parque municipal e edificio de uso recreativo en Oseiro, asinado por José María Ruíz Mora, enxeñeiro técnico agrícola, colexiado 773, expediente número 04/17.
Así mesmo, acordouse someter a información pública, polo período dun mes, o referido proxecto mediante a inserción de anuncios no Diario Oficial de Galicia, e nun xornal dos de maior circulación da provincia, así como proceder á notificación individualizada con traslado literal das follas de taxación e da proposta de fixación dos criterios de valoración a todos os que aparezan como titulares de bens e dereitos no expediente, para que poidan formular cantas alegacións e reclamacións consideren oportunas tanto con respecto ao expediente expropiatorio como á fixación do prezo xusto por idéntico prazo dun mes.
A relación de bens e dereitos afectados é a seguinte:
|
Nº predio |
Afección |
Referencia catastral |
Clasificación |
Superficie a expropiar (m2) |
Titular |
DNI/NIF |
|
1 |
Total |
1569903NH4916N0001HU |
Urbano |
3.135,00 |
Martínez Dopico, María |
32274818-E |
Durante o dito prazo as persoas interesadas poderán examinar o seu contido, nas dependencias municipais do Concello de Arteixo, sitas na travesía de Arteixo, nº 249, 3ª planta, de luns a venres, das 9.00 ás 14.00 horas, co fin de que poidan alegar e presentar os documentos e xustificacións que consideren pertinentes.
Ante a eventualidade de que poidan existir interesados descoñecidos neste procedemento, se ignore o lugar da notificación ou ben, intentada esta, non se puidese efectuar, sirva a este de notificación co alcance e a finalidade previstos no artigo 44 da Lei 39/2015, do procedemento administrativo común das administracións públicas, sen prexuízo da preceptiva publicación no BOE.
Arteixo, 2 de agosto de 2017
O alcalde
P.D. (Decreto 1336/2015)
José Ramón Amado de la Fuente
Concelleiro de Obras e Servizos Municipais
