No uso das competencias atribuídas a esta xefatura territorial, e en virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), intentada a notificación, dos actos administrativos que se indican no anexo, no último domicilio coñecido do interesado sen que esta se puidese practicar, notifícaselle á persoa citada no dito anexo para que, no prazo de dez (10) días, contado desde o seguinte ao da publicación desta cédula no Boletín Oficial del Estado, compareza persoalmente ou debidamente representadas no Servizo de Emprego e Economía Social da Xefatura Territorial da Consellería de Economía, Emprego e Industria de Pontevedra; rúa Concepción Arenal, 8-2º, Vigo (das 9.00 ás 14.00 horas, de luns a venres) para ter coñecemento do contido daquela, advertíndoa de que, de non facelo así, se considerará notificada cos efectos que correspondan.

Esta resolución que pon fin á vía administrativa e contra esta o interesado pode interpoñer recurso contencioso-administrativo, no prazo de dous meses, que comezará a contar a partir do día seguinte ao da publicación desta cédula no Boletín Oficial del Estado, ante o órgano competente da xurisdición contencioso-administrativa. Así mesmo, con anterioridade e con carácter potestativo, poderán interpoñer un recurso de reposición no prazo dun mes, que comezará a contar a partir do día seguinte ao desta publicación, ante esta xefatura territorial, todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa e na Lei 39/2015, do 1 de outubro, do procedemento administrativo común das administracións públicas.

Vigo, 2 de agosto de 2017

Ignacio Rial Santomé
Xefe territorial de Vigo

ANEXO

Nº de expediente: TR 349F 2016/73-5.

Nome: Ricardo Serafín da Cunha Rodrígues.

CIF/NIF: Y4354827K.

Último enderezo coñecido: Ramiráns, 28 baixo, 36400 O Porriño (Pontevedra).

Tipo de axuda: programa de axudas ás persoas traballadoras autónomas pola contratación indefinida de persoas asalariadas.

Contido da resolución: revogar a resolución con data do 27.12.2016 pola que se concedeu unha subvención por importe de 5.000 euros por unha contratación.

Data da resolución: 19.6.2017.