1. Entidade adxudicadora.
a) Organismo: Axencia para a Modernización Tecnolóxica de Galicia.
b) Dependencia que tramita o expediente: Departamento de Contratación.
c) Número de expediente: 2017/PA/0073.
2. Obxecto do contrato.
a) Descrición do obxecto: o obxecto desta contratación é a adquisición de sistemas audiovisuais para salas de vista da Administración de xustiza en Galicia para a extensión do sistema de gravación de vistas eFidelius integrado con videoconferencia.
b) División por lotes e número: non.
c) Prazo e lugar de entrega: o prazo de entrega da subministración obxecto do presente contrato será de 6 meses contados a partir da data de formalización do contrato, sen prexuízo da realización das actuacións derivadas da entrega, que se estenderán durante o prazo de garantía. A data estimada de formalización deste contrato é o 1.10.2017. Neste prazo os equipamentos que se deberá subministrar deberán estar instalados, configurados e postos en produción, como se establece no prego de prescricións técnicas.
Lugar de entrega: a entrega efectuarase no lugar indicado polo órgano de contratación.
d) Admisión de prórroga: non.
3. Tramitación e procedemento de adxudicación.
a) Tramitación: ordinaria e documentalmente simplificada.
b) Procedemento: aberto.
4. Valor estimado: 208.800,00 €.
5. Orzamento de licitación: o orzamento máximo autorizado é de 208.800,00 € (douscentos oito mil oitocentos euros), máis 43.848,00 € (corenta e tres mil oitocentos corenta e oito euros) que corresponden ao IVE (21 %), o que supón un total de 252.648,00 € (douscentos cincuenta e dous mil seiscentos corenta e oito euros), que se distribúe nas seguintes anualidades:
• 2017: 104.400,00 € + 21.924,00 € (IVE 21 %) = 126.324,00 €.
• 2018: 104.400,00 € + 21.924,00 € (IVE 21 %) = 126.324,00 €.
Este proxecto poderá ser financiado nun 80 % co Fondo Europeo de Desenvolvemento Rexional (Feder) e, no marco do programa operativo Feder Galicia 2014-2020, dentro da operación Feder «Administración e expediente xudicial electrónico», enmarcada no obxectivo temático 2 do Regulamento Feder «Mellorar o acceso, uso e calidade das tecnoloxías da información e da comunicación», na prioridade de investimento PI.2.3. «Reforzo das aplicacións das TIC para a Administración electrónica, a aprendizaxe electrónica, a inclusión electrónica, a cultura electrónica e a sanidade electrónica», obxectivo específico 2.3.2. de «Reforzar o e-gobierno, e-cultura e a confianza dixital.», identifícase a liña de actuación «55 -Plan e-xustiza» e a actuación «2.3.2.2. Xustiza dixital».
6. Garantía provisional: non se exixe.
7. Obtención da documentación e da información.
a) Entidade: Axencia para a Modernización Tecnolóxica de Galicia.
b) Enderezo: Monte Gaiás, s/n.
c) Localidade e código postal: Santiago de Compostela, 15781.
d) Teléfono: 981 54 52 86.
e) Fax: 981 54 52 74.
f) Perfil de contratante: http://www.contratosdegalicia.gal/resultado.jsp?N=189702
g) Data límite de obtención de documentos e da información: ata o último día de presentación das proposicións.
8. Requisitos específicos do contratista.
a) Solvencia e clasificación: véxase a letra N) do prego de cláusulas administrativas particulares.
9. Presentación de ofertas.
a) Data límite de presentación: o prazo de admisión de proposicións rematará o día que resulte de contar quince (15) días naturais a partir do seguinte ao da publicación deste anuncio no Diario Oficial de Galicia. Se o día de finalización do prazo fose festivo ou inhábil, prorrogarase ata o primeiro día hábil seguinte.
b) Documentación que se deberá presentar: a indicada no prego de cláusulas administrativas particulares.
c) Lugar de presentación:
1. Entidade: Rexistro da Amtega.
2. Dirección: Edificio CINC, Monte Gaiás, s/n.
3. Localidade e código postal: Santiago de Compostela, 15781.
Cando a proposición se envíe por correo, deberase cumprir o establecido no número 11 das disposicións xerais do prego de cláusulas administrativas particulares.
d) Admisión de variantes: non se admiten.
10. Apertura das ofertas.
O lugar, día e hora de apertura da documentación relativa aos sobres B e C indicarase no perfil do contratante.
11. Criterios que servirán de base para a adxudicación do contrato e a súa ponderación: os sinalados na letra K da folla de especificacións do prego de cláusulas administrativas particulares.
12. Gastos dos anuncios: serán por conta do adxudicatario.
Santiago de Compostela, 7 de agosto de 2017
Mar Pereira Álvarez
Directora da Axencia para a Modernización Tecnolóxica de Galicia