De conformidade coa normativa da Unión Europea reguladora dos fondos europeos procédese a dar publicidade ao cofinanciamento europeo, para os efectos do cumprimento da obriga de información e publicidade establecida na regulación europea sobre os fondos e, en xeral, do disposto na demais normativa que resulte de aplicación na materia e ao abeiro do previsto na Lei 9/2010, do 4 de novembro, de augas de Galicia, e no Decreto 32/2012, do 12 de xaneiro, polo que se aproba o estatuto da entidade pública Augas de Galicia, da seguinte actuación:
1) Entidade adxudicadora:
Organismo: Augas de Galicia.
Dependencia que tramita o expediente: Contratación.
Tipo de contrato: servizo.
Tramitación: ordinaria.
Procedemento: gasto menor.
2) Obxecto do contrato:
Título: servizo de valoración do impacto ambiental dos sistemas de depuración de augas residuais urbanas de Cullergondo. Abegondo (A Coruña).
Clave do expediente: GA.17018.
CPV (referencia de nomenclatura): 71356000-8.
Orzamento base. Importe neto: 2.722,72 euros. Importe total: 3.294,49 euros.
Prazo de execución: dos (2) meses.
Importe da oferta. Importe neto: 2.595,00 euros. Importe total: 3.139,95 euros.
Empresa: Avanza-Lab Inspección y Control, S.L.U.
3) Cofinanciamento da Unión Europea:
A actuación referida no punto 2) cofinanciarase coa contribución do instrumento financeiro LIFE da Unión Europea, que poderá alcanzar ata a porcentaxe máxima do 50 % dos gastos do proxecto, a través dos fondos LIFE + Política e Gobernanza Ambientais, que teñen por finalidade o cofinanciamento de accións e proxectos que contribúen ao desenvolvemento de conceptos políticos, tecnoloxías, métodos e instrumentos innovadores, dentro do proxecto aprobado LIFE12/ENV/ES/000557, Solucións sustentables para pequenos abastecementos de auga (Life Rural Supplies), no eido da acción C.1: «Plan de seguimento para a medición do impacto do proxecto sobre os problemas ambientais abordados». Nos proxectos LIFE + Política e Gobernanza Ambientais aprobados para o seu cofinanciamento comunitario o 7 de agosto de 2013, o beneficiario coordinador é o Concello de Abegondo e os participantes como socios beneficiarios Augas de Galicia e a Consellería de Sanidade.
Santiago de Compostela, 17 de xullo de 2017
A presidenta de Augas de Galicia
P.D. (Resolución do 30.1.2012; DOG núm. 21, do 31 de xaneiro)
Roberto Rodríguez Martínez
Director de Augas de Galicia