O alcalde-presidente do Concello de Tui fai saber que por Resolución desta Alcaldía do 30.6.2017, en relación co: «Proxecto de expropiación forzosa polo procedemento de taxación conxunto dos bens e dereitos afectados pola execución do proxecto de apertura da prolongación da rúa Ourense no sentido Sur-Tui (Pontevedra)»; dispúxose:
«(…)
Primeiro. Proceder a aprobar de maneira inicial o: “Proxecto de expropiación forzosa polo procedemento de taxación conxunta dos bens e dereitos afectados pola execución do Proxecto de apertura da prolongación da rúa Ourense no sentido Sur-Tui (Pontevedra)”, mediante procedemento de taxación conxunta. Proxecto redactado pola empresa redactora Topogray, Topografía y Servicios, S.L. e conformado polos seguintes documentos:
a) Delimitación do ámbito territorial, cos documentos que o identifiquen en canto a situación, superficie e lindeiros, coa descrición de bens e dereitos afectados e a relación das persoas titulares.
b) Fixación de prezos, coa valoración razoada do solo, segundo a súa cualificación urbanística.
c) Follas de prezo xusto individualizado de cada predio, en que se conterá non só o valor do solo, senón tamén o correspondente ás edificacións, obras, instalacións e plantacións.
d) Follas de prezo xusto que correspondan a outras indemnizacións.
Segundo. Seguir o procedemento expropiatorio de taxación conxunta en canto a determinación do prezo xusto dos predios e demais dereitos afectados.
Terceiro. Someter o presente acordo ao trámite de información pública por prazo dun mes, para os efectos de poder ser examinado e presentar alegacións, para o cal deberá publicarse o anuncio no DOG en un dos xornais de maior circulación da provincia, de conformidade co establecido polo artigo 118.3 da Lei 2/2016 e concordantes.
Cuarto. Notificar individualmente as persoas que aparezan como titulares dos bens ou dereitos no expediente, mediante traslado literal da correspondente folla de valoración e a proposta de fixación dos criterios de valoración co fin de que poidan formular as alegacións no prazo dun mes contado a partir da data de notificación do presente acordo.
Quinto. Notificar o Rexistro da Propiedade, para os efectos de anotación expresiva do inicio do expediente “Proxecto de expropiación forzosa polo procedemento de taxación conxunta dos bens e dereitos afectados pola execución do Proxecto de apertura da prolongación da rúa Ourense no sentido Sur-Tui (Pontevedra)”, nos termos, duración e efectos previstos na lexislación hipotecaria (artigo 143/16 e artigo 293 do Decreto 143/2016)».
A dita resolución foi obxecto de resolución complementaria mediante a ditada por esta Alcaldía en data 5.7.2017, a cal na parte que interesa indica:
«(…) Primeiro. Complementar e rectificar o acordo de aprobación inicial (Resolución da Alcaldía nº 2017-0815, do 30.6.2017) do “Proxecto de expropiación forzosa polo procedemento de taxación conxunta dos bens e dereitos afectados pola execución do proxecto de apertura da prolongación da rúa Ourense no sentido Sur-Tui”, no sentido de incluír no documento a que se prestou aprobación inicial mediante Resolución da Alcaldía nº 2017-0815 do 30.6.2017, a corrección reflectida no considerando terceiro desta resolución, resultando que o documento que se aproba inicialmente é o proxecto con rexistro de entrada 2017-E-RC-6068, do 28 de xuño de 2017, en que se integra (substituíndo o documento correlativo) a páxina 6 de 21 achegada mediante rexistro de entrada 2017-E-RE-30, do 4.7.2017».
O dito expediente poderá ser examinado no departamento de Urbanismo do Concello de Tui, para os efectos de consulta deste, de conformidade co trámite de información pública.
Tui, 6 de xullo de 2017
Enrique Cabaleiro González
Alcalde