Visto o expediente instruído para os efectos de transmisión das bateas L.C. VII e Monte I e das concesións administrativas que as amparan, resulta:
a) Antecedentes:
Primeiro. Mediante escrito con data do 13.6.2017 Clara Eugenia Triñanes González e Alberto Luis Triñanes González solicitan autorización para a transmisión inter vivos das concesións administrativas e das bateas L.C. VII e Monte I.
Segundo. Os solicitantes presentaron a documentación requirida para a tramitación deste tipo de procedementos.
b) Consideración legais e técnicas:
Primeiro. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro).
Segundo. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG núm. 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG núm. 126, do 2 de xullo).
Vistas as disposicións citadas, esta consellería resolve:
Autorizar a transmisión inter vivos, a favor de Mejilloneras del Barbanza, S.L. (NIF B-70526207), das concesións administrativas e das bateas que se indican a seguir:
Identificación:
Tipo: batea.
Nome: L.C. VII.
Situación:
Cuadrícula nº: 54.
Polígono: C.
Distrito: Caramiñal (A Coruña).
Especies autorizadas: mexillón (Mytilus galloprovincialis).
Título administrativo habilitante: concesión de actividade.
Orde de outorgamento: 11.3.1964.
Remate da vixencia: 15.12.2019.
Actuais titulares: Clara Eugenia Triñanes González (33240331-H) 50 % privativa e Alberto Luis Triñanes González (52453399-J) 50 % privativa.
Nova titular: Mejilloneras del Barbanza, S.L. (NIF B70526207) 100 %.
Tipo: batea.
Nome: Monte I.
Situación:
Cuadrícula nº: 08.
Polígono: C.
Distrito: Ribeira (A Coruña).
Especies autorizadas: mexillón (Mytilus galloprovincialis).
Título administrativo habilitante: concesión de actividade.
Orde de outorgamento: 13.8.1975.
Remate da vixencia: 15.12.2019.
Actuais titulares: Clara Eugenia Triñanes González (33240331-H) 50 % privativa e Alberto Luis Triñanes González (52453399-J) 50 % privativa.
Nova titular: Mejilloneras del Barbanza, S.L. (NIF B70526207) 100 %.
Baixo as seguintes condicións:
Primeira. Os actuais titulares deberán presentar no prazo máximo dun mes, contado desde o día seguinte ao da publicación da presente resolución no Diario Oficial de Galicia, orixinal ou fotocopia cotexada da seguinte documentación:
a) Documento notarial da transmisión ou doazón.
b) Solicitude ou carta de pagamento do imposto de transmisións patrimoniais ou documento de sucesións.
Segunda. Transcorrido o prazo indicado na condición primeira sen ter achegado a documentación requirida, a autorización quedará sen efecto, logo de comunicación por parte da Consellería.
Terceira. A nova titular da concesión administrativa queda subrogada nos dereitos e obrigas dos anteriores, desde o momento de formalización da compravenda en escritura pública e, especialmente subrógase nas obrigas derivadas da axuda percibida e tramitada mediante o expediente PE205 2012/22-8, en concepto de investimentos no ámbito da acuicultura por importe de 52.956,00 €. Así mesmo, a nova titular comprométese a non efectuar ningunha modificación fundamental das establecidas no artigo 56 do Regulamento (CE) 1198/2006.
Contra a presente resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 e 124 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
A Coruña, 20 de xuño de 2017
A conselleira do Mar
Por delegación de sinatura (Resolución do 5.6.2017)
Juan Carlos Barreiro González
Xefe territorial da Coruña