En cumprimento do disposto no artigo 154.2 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, faise pública a formalización do seguinte contrato:
1. Entidade adxudicadora:
Organismo: Consellería do Medio Rural.
2. Obxecto do contrato:
a) Tipo: contrato administrativo de servizos.
b) Descrición do obxecto: servizo para definir a estratexia de medios e soportes para desenvolver as campañas 2017 e 2018 de información e promoción do Programa de desenvolvemento rural (PDR), que se deben levar a cabo en cumprimento das obrigas previstas na normativa comunitaria.
c) Enderezo da internet do perfil do contratante:
http://www.contratosdegalicia.gal/resultado.jsp?N=108786
d) Diario oficial e data de publicación do anuncio de licitación: DOUE do 8 de febreiro, BOE do 27 de febreiro e DOG do 15 de febreiro de 2017.
e) División por lotes e número: non.
3. Tramitación e procedemento de adxudicación: ordinaria e anticipada de gasto, aberto suxeito a regulación harmonizada.
4. Orzamento de licitación:
Importe neto: 416.000,00 €; IVE (21 %): 87.360,00 €. Importe total: 503.360,00 €.
Valor estimado: 416,000,00 €.
5. Financiamento: cofinanciado ao 75 % con fondos Feader (medida 20, asistencia técnica do Programa de desenvolvemento rural de Galicia 2014-2020), nun 7,50 % con fondos do Ministerio de Agricultura e Pesca, Alimentación e Medio Ambiente (Mapama) e nun 17,50 % con fondos da Xunta de Galicia.
6. Adxudicación e formalización do contrato:
a) Data da resolución de adxudicación: 11 de maio de 2017.
b) Adxudicataria: Ingenio Media, S.L.
c) Importe: 409.882,36 € (sen IVE); IVE 21 %: 86.075,30 €. Importe total: 495.957,66 €.
d) Data de formalización do contrato: 16 de xuño de 2017.
e) Vantaxes da oferta adxudicataria: presentou a oferta economicamente máis vantaxosa para a Administración e cumpre coas condicións establecidas nos pregos.
Santiago de Compostela, 6 de xullo de 2017
Mª del Carmen Bouso Montero
Secretaria xeral técnica da Consellería do Medio Rural