O Concello de Lugo remitiu, tras a tramitación do oportuno expediente ao abeiro do disposto no artigo 27 e seguintes do Real decreto 1732/1994, do 29 de xullo, e o artigo 36 e seguintes do Decreto 49/2009, do 26 de febreiro, á Dirección Xeral de Administración Local, decreto do que tomou razón o Pleno do Concello o 23 de febreiro de 2017, polo que se resolvía a convocatoria para a provisión, polo sistema de libre designación, do posto reservado a funcionarios de Administración local con habilitación de carácter nacional de secretario/a xeral do Pleno.
De conformidade co disposto no artigo 28.3 do Real decreto 1732/1994, do 29 de xullo, sobre provisión de postos de traballo reservados a funcionarios de Administración local con habilitación de carácter nacional, así como no artigo 37.4 do Decreto 49/2009, do 26 de febreiro, sobre o exercicio das competencias da Comunidade Autónoma de Galicia respecto dos/as funcionarios/as con habilitación de carácter nacional, correspóndelle á Dirección Xeral de Administración Local a publicación no DOG da resolución que poña fin ás convocatorias dos procesos de selección por libre designación e a remisión á Dirección Xeral de Función Pública para os efectos da publicación no BOE.
O xefe de Servizo de Réxime Xurídico e Xestión de Funcionarios con Habilitación Nacional, tendo en conta a normativa aplicable (Real decreto 1732/1994, do 29 de xullo, en virtude do mandato recollido na disposición transitoria VII da Lei 27/2013, do 27 de decembro, así como polo Decreto 49/2009, do 26 de febreiro, sobre exercicio de competencias da Comunidade Autónoma de Galicia respecto dos funcionarios con habilitación de carácter nacional), tras o exame do expediente emitiu o correspondente informe proposta que conta co visto e prace da subdirectora de Réxime Xurídico Local, favorable á publicación solicitada.
De acordo co informe proposta sinalado e tendo en conta as competencias conferidas polo artigo 15.e) da Lei 2/2015, do 29 de abril, de emprego público de Galicia, e o artigo 1.6 da Orde do 14 maio de 2013 sobre delegación de competencias (DOG núm. 92, do 15 de maio),
RESOLVO:
Primeiro. Publicar en extracto a resolución do Concello de Lugo que declara deserta a convocatoria para a provisión, polo sistema de libre designación, do posto reservado a funcionarios de Administración local con habilitación de carácter nacional:
Entidade: Concello de Lugo.
Posto: vicesecretario/a xeral do Pleno.
Subescala: secretaría.
Categoría: superior.
Forma provisión: libre designación.
Resolución: decreto 17000823 do 3.2.2017.
Motivo: non presentarse ningunha instancia para o posto.
Segundo. Publicar esta resolución no DOG así como remitir a publicación á Dirección Xeral de Función Pública do Ministerio de Facenda e Función Pública para os efectos da súa publicación no BOE.
Terceiro. A presente resolución, que pon fin á vía administrativa, poderá impugnarse directamente, ante a xurisdición contencioso-administrativa, no prazo de dous meses contados desde o día seguinte ao da publicación, segundo a Lei 29/1998, do 13 de xullo, reguladora da xurisdición contencioso-administrativa. Poderá tamén potestativamente interpoñerse recurso de reposición perante a Vicepresidencia e Consellería de Presidencia, Administracións Públicas e Xustiza no prazo dun mes contado desde a mesma data, nos termos dos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 1 de xuño de 2017
Marta Fernández-Tapias Núñez
Directora xeral de Administración Local
