Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita, da instalación eléctrica que se describe:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: título LMT e CT Igrexa-Dena.

Situación: Meaño.

Características técnicas: LMT subterránea a 20 kV con condutor RHZ de 35 metros de lonxitude, con orixe no paso aéreo subterráneo que se vai realizar no apoio proxectado C-16/1000 e final no centro de transformación proxectado. Centro de transformación a 160 kVA con RT 20 kV/400-230 V, situado no lugar de Igrexa, Dena, concello de Meaño. Retensado dos vans aéreos anterior e posterior ao apoio instalado.

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións por duplicado nesta xefatura territorial, avenida Fernández Ladreda, 43, 36003 Pontevedra, no prazo de trinta días, a partir da última publicación ou notificación individual.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Así mesmo, e no mencionado prazo, poderase examinar nesta xefatura territorial o proxecto da instalación

Pontevedra, 28 de xuño de 2017

Ignacio Rial Santomé
Xefe territorial de Pontevedra

ANEXO
Relación de bens e dereitos afectados

Predio 1. Concello: Meaño; lugar: Igrexa, Dena; referencia catastral: 5894619NG1959S0001XI; titular: Herdeiros de Delfina do Pazo Méndez; afección: 28,43 m2 para o centro de transformación e 14,17 m2 para liña subterránea.