Mediante Orde do 31 de marzo de 2017 (DOG número 69, do 7 de abril), convocouse o proceso selectivo para o ingreso, pola quenda de promoción interna, no corpo superior da Administración xeral da Comunidade Autónoma de Galicia, subgrupo A1, escala superior de finanzas.
Na base II.1.1.3 da orde da convocatoria especifícase que para a exención da realización do 3º exercicio, a Dirección Xeral da Función Pública publicará se consta no expediente a documentación que xustifique a dita exención.
En consecuencia, esta dirección xeral
DISPÓN:
Primeiro. Publicar a relación de persoas aspirantes das cales non consta nos seus expedientes a documentación que os exima da realización do 3º exercicio do proceso selectivo para o ingreso, pola quenda de promoción interna, no corpo superior da Administración xeral da Comunidade Autónoma de Galicia, subgrupo A1, escala superior de finanzas, convocado mediante Orde do 31 de marzo de 2017 e que se relacionan no anexo.
Segundo. As ditas persoas dispoñen, de acordo co estipulado na base II.1.1.3, dun prazo de dez (10) días hábiles contados desde o día seguinte ao da publicación desta resolución no Diario Oficial de Galicia, para presentaren orixinal ou copia debidamente compulsada do Celga 4 ou o equivalente debidamente homologado polo órgano competente en materia de política lingüística da Xunta de Galicia, de acordo coa disposición adicional segunda da Orde do 16 de xullo de 2007 (DOG núm. 146, do 30 de xullo), modificada pola Orde do 10 de febreiro de 2014 (DOG núm. 34, do 19 de febreiro), pola que se regulan os certificados oficiais acreditativos dos niveis de coñecemento da lingua galega.
Esta documentación deberase remitir á Consellería de Facenda. Dirección Xeral da Función Pública (Edificio Administrativo San Caetano, Santiago de Compostela).
Santiago de Compostela, 10 de xullo de 2017
José María Barreiro Díaz
Director xeral da Función Pública
Anexo
DNI |
Apelidos e nome |
44831490M |
Delgado Calvo, María Teresa |
32812781S |
Díaz Peña, Ana Isabel |
36106391W |
González Soto, Rita María |