A empresa Brokenboats, S.L. solicitou ao ente público Portos de Galicia unha concesión administrativa no dominio público portuario do porto de Brens-Cee, con destino á ocupación de terreos portuarios para despezamento de buques e recuperación dos seus materiais, nunha parcela de 2.988 m2, segundo a documentación técnica consistente no proxecto básico e de execución sobre o procesamento, selección e clasificación de materiais navais para a posterior reciclaxe, redactado en febreiro de 2017 polo enxeñeiro industrial Jaime Alberto Lorenzo Mateo.
En cumprimento do disposto no artigo 85.3 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante, e unha vez realizado o trámite de competencia de proxectos, faise público, para que as persoas e entidades interesadas poidan examinar o expediente e presentar por escrito as alegacións que consideren oportunas nos servizos centrais de Portos de Galicia, nas oficinas sitas na praza de Europa, 5 A-6º, polígono das Fontiñas, 15707 Santiago de Compostela, no prazo de vinte (20) días hábiles, contados a partir do seguinte ao de publicación do presente anuncio no Diario Oficial de Galicia. A documentación está á disposición na web portosdegalicia.gal.
Santiago de Compostela, 23 de maio de 2017
José Juan Durán Hermida
Presidente de Portos de Galicia