De conformidade co disposto no artigo 44 da Lei 39/2015, do procedemento administrativo común das administracións públicas, logo de ser intentada sen éxito a notificación persoal a través do servizo de Correos, notifícaselle a Jesús Manuel López Rey o requirimento do 29 de novembro de 2016, ditado en materia de verteduras de augas residuais no expediente de denuncia de referencia.
En cumprimento do artigo 46 da Lei 39/2015, do procedemento administrativo común das administracións públicas, o interesado poderá comparecer, no prazo dun mes contado desde o seguinte ao da publicación deste anuncio no Boletín Oficial del Estado, nas oficinas de Augas de Galicia (praza de Camilo Díaz Baliño, 7-9, 15781 Santiago de Compostela), das 9.00 ás 14.00 horas, de luns a venres, para o coñecemento íntegro do mencionado requirimento e constancia de tal coñecemento, tempo durante o cal poderá presentar as alegacións e probas que considere oportunas.
Transcorrido o dito prazo sen efectuarse a comparecencia, a notificación entenderase producida desde o día seguinte ao da publicación deste anuncio no Boletín Oficial del Estado.
Santiago de Compostela, 28 de decembro de 2016
Roberto Rodríguez Martínez
Director de Augas de Galicia