En cumprimento do disposto no artigo 154.2 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, faise pública a formalización do seguinte contrato:

1. Entidade adxudicadora:

Organismo: Consellería do Medio Rural.

2. Obxecto do contrato:

a) Tipo: contrato administrativo de servizos.

b) Descrición do obxecto: servizo relativo ao desenvolvemento de traballos para a avaliación fitosanitaria das masas forestais galegas durante os anos 2017 e 2018, cofinanciado con Feader no marco do PDR de Galicia 2014-2020.

c) Enderezo da internet do perfil do contratante:

http://www.contratosdegalicia.gal/resultado.jsp?N=134603

d) Diario oficial e data de publicación do anuncio de licitación: DOG núm. 56, do 21 de marzo de 2017.

e) División por lotes e número: non.

3. Tramitación e procedemento de adxudicación: ordinaria e aberto non suxeito a regulación harmonizada.

4. Orzamento de licitación:

Importe neto: 114.202 €. IVE (21 %): 23.982,42 €. Importe total: 138.184,42 €.

Valor estimado: 171.303 €.

5. Financiamento: cunha participación do 75 % de fondos da Unión Europea, a través do Feader (Medida 8.3. Axuda para a prevención dos danos causados no bosque polos incendios, desastres naturais e catástrofes), nun 7,5 % con fondos da Administración xeral do Estado, e nun 17,50 % con fondos da Xunta de Galicia.

6. Adxudicación e formalización do contrato:

a) Data da resolución de adxudicación: 7.6.2017.

b) Adxudicataria: Tecmena, S.L.

c) Importe: 99.992,75 €, IVE incluído.

d) Data de formalización do contrato: 12 de xuño de 2017.

e) Vantaxes da oferta adxudicataria: resultou ser a oferta economicamente máis vantaxosa para a Administración, logo de aplicar os criterios de adxudicación, e cumpre con todos os criterios dos pregos de condicións.

Santiago de Compostela, 28 de xuño de 2017

Mª del Carmen Bouso Montero
Secretaria xeral técnica da Consellería do Medio Rural