Aprobado polo Pleno da Corporación municipal o expediente, prego de prescricións técnicas (PPT) e cláusulas administrativas (PCAP) para a contratación do servizo de limpeza viaria do Concello de Tui, por procedemento aberto, contrato suxeito a regulación harmonizada, con multiplicidade de criterios de valoración, exponse ao público e procédese á apertura do prazo de licitación.
1. Entidade adxudicataria: Concello de Tui.
2. Obxecto do contrato: prestación dos servizos de limpeza viaria no Concello de Tui.
3. Tramitación, procedemento e forma de adxudicación:
a) Tramitación: ordinaria.
b) Procedemento: aberto, suxeito a regulación harmonizada.
c) Criterios de adxudicación: oferta economicamente máis vantaxosa, tendo en conta os criterios que figuran no prego de cláusulas administrativas (cláusula 11 do PCAP).
4. Prezo do contrato:
a) Valor estimado do contrato, incluído prórrogas: 1.115.415,04 €, IVE excluído.
b) Valor estimado anual: 174.283,60 €/ano, excluído IVE, o que suma un total anual de 191.711,96 €.
Dito tipo de licitación conxunto desglósase en dúas partidas:
1º. Servizo ordinario de limpeza viaria: correspóndese coa prestación ordinaria do servizo, de acordo co sinalado no PPT. O orzamento base de licitación desta partida ascende a un total de 173.278,12€/ano, IVE incluído, desagregados en 157.525,56 €/ano de principal e 15.752,56 €/ano de IVE, calculado ao 10 %.
Ningunha oferta poderá superar o límite sinalado, sendo ata unha causa de rexeitamento da proposición, podendo mellorarse á baixa.
2º. Servizos adicionais baixo demanda: correspóndense coas peticións de prestacións de servizo extraordinarias que poida requirir o concello fóra dos servizos ordinarios, de acordo co sinalado no PPT. O prezo determínase nos termos de prezos unitarios, constituíndo a unidade de medida a xornada de servizo efectivamente prestada, de acordo co PPT. O orzamento base de licitación desta partida ascende a un total de 18.433,84 €/ano IVE incluído, desagregados en 16.758,04 €/ano de principal e 1.675,80 €/ano de IVE, calculado ao 10 %.
5. Duración do contrato: 4 anos de duración, con posibilidade de dous prórrogas dun período máximo dun ano cada unha.
6. Clasificación do contratista:
a) Clasificación alternativa do contratista: grupo U, subgrupo 1 (servizos de limpeza), categoría 2.
b) Solvencia económica e financeira e solvencia técnica e profesional: acreditarase polos medios sinalados na cláusula 8.4 do PCAP.
7. Obtención de documentación e información: Secretaría do Concello de Tui-Servizo de Contratación. Tfno.: 986 60 36 25. Fax: 986 60 41 48.
Enderezo electrónico: http://concellotui.sedelectronica.gal.
Enderezo perfil do contratante: www.concellotui.org.
Poderán consultar as bases de licitación na páxina web www. concellotui.org, así como retirar documentación con data límite día do remate de presentación de ofertas.
8. Gastos de publicidade: si.
9. Presentación de proposicións:
a) Data límite de presentación: 26.7.2017. Data de envío ao DOUE: 16.6.2017. Así mesmo, de conformidade co artigo 142 do TRLCSP, publicarase a licitación no Boletín Oficial del Estado, Boletín Oficial da provincia e perfil do contratante da páxina web do concello (www.concellotui.org).
b) Modalidade de presentación: de conformidade coa cláusula 10 do PCAP.
c) Lugar de presentación:
1º. Dependencia: Rexistro Xeral do Concello de Tui, das 9.00 ás 14.00 horas.
2º. Enderezo: praza do Concello, nº 1.
3º. Localidade e código postal: Tui 36700.
4º. Enderezo electrónico: http://concellotui.sedelectronica.gal.
Tui, 16 de xuño de 2017
Enrique Cabaleiro González
Alcalde
