O secretario xeral técnico ditou a resolución do recurso presentado no expediente sancionador número RA/M/2017/00179 e catro máis por infracción da normativa sobre transporte terrestre.

Intentada a notificación da resolución por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícase a resolución ditada ás persoas interesadas.

Infórmaselles que o expediente sancionador se atopa á súa disposición na Secretaría Xeral Técnica da Consellería de Infraestruturas e Vivenda, situada no Edificio Administrativo San Caetano en Santiago de Compostela (A Coruña).

Contra a dita resolución, que pon fin á vía administrativa, cabe recurso contencioso-administrativo ante o xulgado do contencioso-administrativo, no prazo de dous meses contados desde o día seguinte ao da publicación deste anuncio no BOE de conformidade cos artigos 8 e 14 da Lei 29/1998, do 13 de xullo, reguladora da xurisdición contencioso-administrativa.

En caso de non ter aboado o importe da sanción, deberán pagar o seu importe dentro do prazo establecido no artigo 62 da Lei 58/2003, do 12 de decembro, xeral tributaria, empregando o modelo impreso que se facilitará nas oficinas da Secretaría Xeral Técnica da Consellería de Infraestruturas e Vivenda.

De non efectuarse o ingreso no dito prazo, procederase ao seu cobramento pola vía de constrinximento, segundo o disposto no artigo 97 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 26 de xuño de 2017

Joaquín Macho Canales
Secretario xeral técnico da Consellería de Infraestruturas e Vivenda

ANEXO

Expediente Número recurso Matrícula	Recorrente	Infracción cometida Datos da denuncia: Data; hora; estrada; p.q.	Precepto infrinxido	Sanción imposta	Resolución do recurso
OU-00105-O-2014 RA/M/2017/00179 2873 DBJ/ R-9635BBP	Frigoríficos Sete Pías, S.L.	Transporte de mercadorías utilizando a tarxeta de outro condutor. 18.11.2013; 18.48; AC-52; 203	Art. 140.22 LOTT	2.001,00 €	Desestimatoria, confirmando a sanción imposta
OU-00187-O-2014 RA/M/2017/00180 2873 DBJ/ R-9635BBP	Frigoríficos Sete Pías, S.L.	Transporte de mercadorías faltando a consignación de datos en folla de rexistro. 18.11.2013; 18.48; AC-52; 203	Art. 140.22 LOTT	2.001,00 €	Desestimatoria, confirmando a sanción imposta
OU-00337-O-2014 RA/M/2017/00191 0131 HDH/ R-4029BCH	Nieto Ares, S.L.	Transporte de mercadorías non levando insertada a tarxeta de condutor no tacógrafo. 27.12.2013; 17.41; AC-52; 203	Art. 140.22 LOTT	2.001,00 €	Desestimatoria, confirmando a sanción imposta
XC-03623-O-2014 RA/M/2017/00198 9597 FFL/ R-4443BBD	José Antonio Sousa Sousa	Transporte de mercadorías efectuando a manipulación do tacógrafo ou algún dos seus elementos. 11.2.2014; 21.45; N-634; 709,5	Art. 140.10 LOTT	4.001,00 €	Desestimatoria, confirmando a sanción imposta
OU-01043-O-2014 RA/M/2015/00268 75-MN-15/ SS-04157-R	Pena e González Transportes Lda.	Transporte de mercadorías con vehículos matriculados no estranxeiro incumprindo os requisitos exixidos. 21.4.2014; 6.30; OU-540; 6,7	Art. 140.13 LOTT	0,00 €	Desestimatoria, confirmando a sanción imposta