O artigo 28 do vixente Estatuto de autonomía de Galicia establece no seu ordinal 2º a competencia da Comunidade Autónoma de Galicia para o desenvolvemento lexislativo e a execución da lexislación do Estado en materia de expropiación forzosa.
Con data do 23 de marzo de 2017, a Xunta de Galicia procedeu á declaración de utilidade pública e á urxente ocupación dos bens e dereitos necesarios para os efectos de expropiación para as mencionadas obras mediante o Decreto 43/2017, publicado no DOG núm. 74, do 18 de abril.
Con data do 13 de marzo de 2017, o director da Axencia Galega de Infraestruturas, por delegación da conselleira de Infraestruturas e Vivenda, procede á aprobación do proxecto de construción do itinerario peonil e de reforma da intersección na AC-840 (p.q. 20+190 ao 21+910), de clave AC/15/066.06, no termo municipal de Curtis.
Na súa virtude e en cumprimento do disposto nos artigos 52 da vixente Lei de expropiación forzosa, do 16 de decembro de 1954, e 56 e seguintes do regulamento para a súa aplicación, este servizo, no uso das facultades que lle confire o artigo 98 da mencionada lei, resolveu convocar os titulares de bens e dereitos afectados para que comparezan no lugar, na data e na hora que se citan para proceder ao levantamento das actas previas á ocupación, nas cales se recollerán os datos necesarios para determinar os bens e dereitos afectados, e os prexuízos derivados da rápida ocupación, sen prexuízo de se trasladar ao lugar dos predios se o consideran necesario.
Lugar: Oficina Municipal do recinto feiral.
Rúa Emilia Pardo Bazán, s/n, Curtis.
Data: 19 de xullo de 2017.
Horario: das 9.30 ás 13.00 horas.
De: Bermúdez Tizón, Manuel a Saavedra Sánchez, Juan e irmáns.
A relación de titulares, cos bens e dereitos afectados, así como os planos parcelarios correspondentes, estarán expostos no Concello de Curtis e no Servizo da Delegación Provincial da Axencia Galega de Infraestruturas da Coruña (r/ Vicente Ferrer, nº 2, 8ª, 15071 A Coruña).
Ao dito acto deberán acudir os titulares afectados, persoalmente ou ben representados pola persoa debidamente autorizada para actuar no seu nome, e achegar os documentos acreditativos da súa titularidade, documento nacional de identidade e último recibo da contribución. Poden facerse acompañar, pola súa conta, se o consideran oportuno, dos seus peritos e de notario.
Así mesmo, e no cumprimento do establecido no artigo 56 do regulamento da Lei de expropiación forzosa, ábrese información pública durante o prazo de 15 días hábiles, contados a partir do seguinte ao da publicación desta resolución no Diario Oficial de Galicia e ata o momento do levantamento das actas previas á ocupación correspondente, co fin de que os interesados poidan formular por escrito, ante o Servizo da Delegación Provincial da Coruña, as alegacións que consideren pertinentes co obxecto de emendar posibles erros padecidos ao relacionar os bens afectados pola urxente ocupación.
A Coruña, 16 de xuño de 2017
Felipe de la Vega Gándaras
Xefe do Servizo da Delegación Provincial da Coruña