Para os efectos previstos na Lei 24/2013, do 26 de decembro (BOE núm. 310), do sector eléctrico, e no título VII do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:
Solicitante: Begasa.
Domicilio social: Ramón Mª Aller Ulloa 9, 27003 Lugo.
Denominación: reforma do CT 13265 Herrero.
Situación: concello de Lugo.
Características técnicas:
1. Centro de transformación de potencia máxima admisible de 630 kVA e relación de transformación 20.000/400-230 V en edificio non prefabricado, en montaxe convencional, con aparellaxe e embarramento ao aire, sobre illadores de porcelana e seccionadores en baleiro, con mando manual, con seccionamento para entrada de liña aérea 20 kV, seccionamento e protección máquina 400 kVA B2, seccionamento e protección máquina 160 kVA B1, cadro de baixa tensión 400/230 V e cadro de baixa tensión 230/130 V.
A alimentación do CT farase mediante LMT soterrada contida no proxecto Soterramento entrada LMT LP sector 6-der. CTC Herrero (exp. 8282-AT).
2. A obra civil comprende os traballos necesarios para o desmonte de embarramentos, aparellaxe, ferraxe, anteparos, CT e cadros de baixa tensión; construción do depósito de recolla de aceite, muros, porta con dobre reixa de ventilación, canles para instalación de celas SF6 e cadros de BT e colocación de proteccións de saídas de circuítos de baixa tensión.
3. A obra eléctrica comprende celas modulares de liña 24/20 kV-400/630A (2 uds), cela modular de protección do transformador 24/20 kV-400/630 A (1 ud), máquina 630 kVA B2-B1, circuítos de terras interior, iluminación de emerxencia do CT non prefabricado, pontes MT/CT, CT/BT, armarios BT CBT e termómetro de anteparo.
Todas aquelas persoas ou entidades que se consideren afectadas poderán examinar o proxecto e presentar as súas alegacións nesta xefatura territorial, sita na Rolda da Muralla nº 70, baixo 2, Lugo, no prazo de vinte días a partir do seguinte ao da última publicación desta resolución.
Lugo, 15 de xuño de 2017
Pilar Fernández López
Xefa territorial de Lugo
