A Alcaldía do Concello do Barco de Valdeorras, en Resolución do 31 de maio de 2017, aprobou a oferta de emprego público desta administración para o ano 2017, que é a seguinte:
– Unha praza de funcionario de carreira, pertencente á escala básica, categoría policía do corpo de Policía Local do Concello do Barco de Valdeorras que está integrada no grupo C, subgrupo C1.
– Unha praza de funcionario de carreira, escala de Administración xeral, subescala auxiliar (1 praza) que está integrada no grupo C, subgrupo C2.
Para estas dúas prazas o prazo máximo para a convocatoria dos procesos selectivos será o 31 de marzo de 2018, o prazo de remate do proceso selectivo prevese o 31 de decembro de 2018 e a provisión realizarase mediante oposición en quenda libre.
– Unha praza de funcionario de carreira, escala de Administración especial, subescala técnica, técnico superior, arquitecto técnico integrada no grupo A, subgrupo A2.
O prazo máximo para a convocatoria do proceso selectivo será o 31 de marzo de 2018.
O prazo de remate do proceso selectivo prevese o 31 de marzo de 2019.
A selección realizarase mediante concurso-oposición en quenda libre.
Establécese o concurso-oposición ao considerar que resulta unha vantaxe para esta Administración, debido á natureza das funcións que se van desenvolver na praza, que o aspirante que resulte seleccionado teña experiencia e ou coñecementos, a maiores da titulación mínima exixida, previas no desenvolvemento das funcións técnicas encomendadas.
– Dúas prazas de persoal laboral fixo, oficial de primeira de parques e xardíns.
O prazo máximo para a convocatoria do proceso selectivo será o 31 de marzo de 2018.
O prazo de remate do proceso selectivo prevese o 31 de marzo de 2019.
As prazas seleccionaranse mediante concurso-oposición, unha en quenda libre e outra en promoción interna entre o persoal do Concello do Barco de Valdeorras.
Establécese o concurso-oposición ao considerar que resulta unha vantaxe para esta Administración, debido á natureza das funcións que se van desenvolver na praza, que o aspirante que resulte seleccionado teña experiencia e ou coñecementos previos no desenvolvemento das funcións encomendadas, que son de carácter predominantemente manual.
– Dúas prazas de persoal laboral fixo, oficial de primeira de obras e augas.
O prazo máximo para a convocatoria do proceso selectivo será o 31 de marzo de 2018.
O prazo de remate do proceso selectivo prevese o 31 de marzo de 2019.
A selección realizarase mediante concurso-oposición en quenda libre.
Establécese o concurso-oposición ao considerar que resulta unha vantaxe para esta Administración, debido á natureza das funcións que se van desenvolver na praza, que o aspirante que resulte seleccionado teña experiencia e ou coñecementos previos no desenvolvemento das funcións encomendadas, que son de carácter predominantemente manual.
O Barco de Valdeorras, 31 de maio de 2017
Alfredo L. García Rodríguez
Alcalde