De conformidade co disposto no artigo 15 da Lei 9/2007, do 13 de xuño, de subvencións de Galicia, no artigo 17 da Lei 1/2016, do 18 de xaneiro, de transparencia e bo goberno, no artigo 25 do anexo I da Orde do 27 de xaneiro de 2017 pola que se establecen as bases reguladoras para a concesión, en réxime de concorrencia competitiva, de subvencións destinadas á creación de viveiros industriais de empresas en parques empresariais da Comunidade Autónoma de Galicia, e se procede á súa convocatoria para o ano 2017 (código do procedemento IN541A), por medio desta resolución publícase o extracto das axudas outorgadas pola Consellería de Economía, Emprego e Industria ao abeiro da dita orde.
a) Norma reguladora da convocatoria: Orde do 27 de xaneiro de 2017 pola que se establecen as bases reguladoras para a concesión, en réxime de concorrencia competitiva, de subvencións destinadas á creación de viveiros industriais de empresas en parques empresariais da Comunidade Autónoma de Galicia, e se procede á súa convocatoria para o ano 2017 (código do procedemento IN541A).
b) Aplicación orzamentaria: 09.20.732A.760.1.
c) Crédito orzamentario: 500.000 euros.
d) Destinatarios: concellos da Comunidade Autónoma de Galicia.
e) Finalidade: creación de viveiros industriais de empresas en parques empresariais da Comunidade Autónoma de Galicia.
f) Beneficiarios e importe das axudas: no anexo a esta resolución recóllense os beneficiarios e o importe.
Santiago de Compostela, 6 de xuño de 2017
Ángel Bernardo Tahoces
Director xeral de Enerxía e Minas
ANEXO
Subvencións concedidas
Expediente |
Beneficiario |
NIF |
Contía da axuda (€) |
IN541A 2017/03 |
Concello da Laracha |
P1504200E |
240.000,00 |
IN541A 2017/04 |
Concello de Silleda |
P3605200I |
20.849,89 |
IN541A 2017/01 |
Concello de Vilanova de Arousa |
P3606100J |
239.150,11 |