Intentada a notificación da resolución da xefa territorial da Consellería de Economía, Emprego e Industria de Lugo, pola que se acorda a resolución revogatoria da axuda concedida a persoas traballadoras autónomas pola contratación indefinida de persoas asalariadas, e non sendo posible a súa práctica, por medio desta cédula, e segundo o disposto no artigo 45 da Lei 39/2015, do 1 de outubro, do procedemento administrativo común das administracións públicas, e no establecido no artigo 46 do mesmo texto legal, notifícaselle ao interesado o contido da dita resolución como figura no anexo, para que poida ter coñecemento dela.

Contra esta resolución, que pon fin á vía administrativa, o interesado poderá interpoñer recurso contencioso-administrativo no prazo de dous meses, que comezará a contar a partir do día seguinte ao da publicación desta cédula no Boletín Oficial del Estado, ante a Sala do Contencioso-Administrativo do Tribunal Superior de Xustiza de Galicia, así como, con anterioridade e con carácter potestativo, poderá interpoñer recurso de reposición no prazo dun mes, que comezará a contar a partir do día seguinte ao desta publicación, ante esta xefatura territorial. Todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 39/2015, do 1 de outubro, do procedemento administrativo común das administracións públicas.

O interesado, durante este prazo, poderase presentar ante o Servizo de Emprego e Economía Social da Xefatura Territorial da Consellería de Economía, Emprego e Industria, sito na rolda da Muralla, 70, baixo, das 9.00 ás 14.00 horas, de luns a venres, para os efectos de coñecer integramente o contido da resolución administrativa.

Lugo, 6 de xuño de 2017

Pilar Fernández López
Xefa territorial de Lugo

ANEXO

Nº de expediente: TR349F 2016/46-2.

Nome: Ioan Marian Cazac.

DNI/NIF: Y1511483Y.

Último enderezo coñecido: A Estrada, 17, Noche, 27812 Vilalba (Lugo).

Axuda: programa de axudas ás persoas traballadoras autónomas pola contratación indefinida de persoas asalariadas.

Orde reguladora: Orde do 29 de decembro de 2015 pola que se establecen as bases reguladoras do programa de axudas a persoas traballadoras autónomas pola contratación indefinida de persoas asalariadas e se procede á súa convocatoria para o ano 2016 (Diario Oficial de Galicia do 30 de decembro).

Feito imputado: non estar ao día no cumprimento das súas obrigas.

Precepto infrinxido: artigo 19, punto 3, da orde de convocatoria.

Contido da resolución: revogatoria ditada o 22 de maio do 2016 pola xefa territorial da Consellería de Economía, Emprego e Industria de Lugo.