De conformidade co previsto no artigo 8.4 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á resolución da Presidencia do organismo autónomo Servizo Galego de Saúde, do 26 de maio de 2017, pola que se encomenda á Axencia Galega de Infraestruturas a xestión das actuacións para acometer a execución das obras de construción do novo Centro de Saúde do Milladoiro (Ames).
– Actividade: a xestión das actuacións precisas para acometer a execución das obras de construción dun novo centro de saúde; a contratación da dirección facultativa das obras está en mans do Servizo Galego de Saúde.
– Natureza e alcance da xestión encomendada: a encarga ten natureza intersubxectiva, ao ter a Axencia Galega de Infraestruturas a consideración de medio propio e servizo técnico da Administración da Comunidade Autónoma de Galicia, segundo o disposto nos artigos 47 e 48 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o día seguinte ao da sinatura da encomenda, ata o día 30 de setembro de 2019.
Santiago de Compostela, 26 de maio de 2017
Jesús Vázquez Almuíña
Presidente do Servizo Galego de Saúde