Mediante Resolución do 22 de decembro de 2016 desta dirección xeral (Diario Oficial de Galicia núm. 7, do 11 de xaneiro de 2017) convocouse concurso-oposición para o ingreso na categoría de médico/a de admisión e documentación clínica.
Por Resolución do 31 de marzo de 2017 (Diario Oficial de Galicia núm. 70, do 10 de abril) publicouse a relación provisional de aspirantes admitidos/as e excluídos/as, así como dos/das exentos/as e non exentos/as da realización do exercicio de lingua galega.
Na base sétima da resolución de convocatoria disponse que o tribunal cualificador do concurso-oposición será nomeado pola autoridade convocante cunha antelación mínima dun mes ao día da data de realización das probas e para este efecto publicarase a oportuna resolución no Diario Oficial de Galicia.
De conformidade coa antedita base e finalizado o prazo de emenda previsto no número 6.2 desta mesma resolución, este centro directivo, como órgano convocante do proceso,
RESOLVE:
Primeiro. Publicar, con carácter definitivo, a relación das persoas aspirantes admitidas e excluídas, así como das exentas e non exentas da realización do exercicio de lingua galega, no concurso-oposición para o ingreso na categoría de médico/a de admisión e documentación clínica convocado mediante a Resolución do 22 de decembro de 2016.
Segundo. A lista coa relación definitiva de persoas aspirantes admitidas e excluídas, con indicación do motivo de exclusión, e as declaradas exentas e non exentas da realización do exercicio de lingua galega, poderanse examinar na páxina web do Servizo Galego de Saúde (www.sergas.es).
Ademais, o estado de cada solicitude pode ser consultado polo/a solicitante no seu expediente electrónico persoal en Fides/expedient-e/sección de procesos.
Terceiro. Nomear os membros do tribunal, titulares e suplentes, que xulgarán o proceso selectivo e que se relacionan no anexo desta resolución.
Cuarto. Declarar de aplicación a este proceso as normas de funcionamento e actuación dos tribunais e persoal colaborador negociadas e aprobadas na Mesa Sectorial de Sanidade, publicadas á disposición das persoas interesadas na páxina web do Servizo Galego de Saúde (www.sergas.es).
Quinto. De conformidade coa base 6.3 da Resolución do 22 de decembro de 2016, contra esta resolución as persoas interesadas poderán interpoñer directamente recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa publicación no Diario Oficial de Galicia, de conformidade co disposto nos artigos 8.2 e 10.1 da Lei 29/1998, do 13 de xullo, reguladora da xurisdición contencioso-administrativa.
Potestativamente, e con carácter previo, poderán interpoñer recurso de reposición, ante a Dirección Xeral de Recursos Humanos do Servizo Galego de Saúde, no prazo dun mes contado desde a mesma data.
Santiago de Compostela, 8 de xuño de 2017
Margarita Prado Vaamonde
Directora xeral de Recursos Humanos
ANEXO
Médico/a admisión e documentación clínica |
|||
Presidente/a titular |
Nogueira Fariña, Javier |
Persoal estatutario licenciado sanitario |
Médico/a de admisión e documentación clínica |
Secretario/a titular |
López Súarez, Alberto |
Persoal estatutario de xestión e servizos |
Grupo técnico da función administrativa |
Vogal titular |
Capella Pérez, Jaime |
Persoal estatutario licenciado sanitario |
Médico/a de admisión e documentación clínica |
Vogal titular |
Rey García, Gloria M.ª |
Persoal estatutario licenciado sanitario |
Médico/a de admisión e documentación clínica |
Vogal titular |
Castro Villares, Manuel Luis |
Persoal estatutario licenciado sanitario |
Médico/a de admisión e documentación clínica |
Presidente/a suplente |
Lorenzo Deaño, José Carlos |
Persoal estatutario licenciado sanitario |
Médico/a de admisión e documentación clínica |
Secretario/a suplente |
Díaz López, Manuel |
Persoal funcionario do corpo superior da Administración da Xunta de Galicia |
|
Vogal suplente |
Novo Menéndez, Manuel Ángel |
Persoal estatutario licenciado sanitario |
Médico/a de admisión e documentación clínica |
Vogal suplente |
Castro Calvo, Ramón Miguel |
Persoal estatutario licenciado sanitario |
Médico/a de admisión e documentación clínica |
Vogal suplente |
Sierra Gómez, M.ª Carmen |
Persoal estatutario licenciado sanitario |
Médico/a de admisión e documentación clínica |