Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Compañía de Electrificación, S.L.
Domicilio social: praza doutor Carús, 7, 1º C (Edificio León XIII), 36600 Vilagarcía de Arousa.
Denominación: LMTS e CT O Castelete.
Situación: Vilanova de Arousa.
Descricións técnicas: centro de transformación, en caseta prefabricada, a 400 kVA con RT 20 kV/420-242 V, con 40 metros de LMTS (entrada e saída) que queda intercalado na LMTS dobre circuíto en San Miguel de Deiro. A instalación está situada no Castelete, O Terrón, Vilanova de Arousa.
Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo na avda. Fernández Ladreda 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 20 de abril de 2017
Ignacio Rial Santomé
Xefe territorial de Pontevedra