No Xulgado do Contencioso-Administrativo número 1 de Vigo tramítase o procedemento abreviado 108/2017, interposto por Jaime Aneiros Pereira contra o Acordo do Consello de Goberno da Universidade de Vigo do 7 de febreiro de 2017, polo que se desestima o seu recurso de reposición sobre inclusión dos criterios de antigüidade na oferta de emprego público do PDI, corrección de defectos de legalidade e desenvolvemento dunha normativa.
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado no prazo de nove días, contado a partir do seguinte ao da publicación desta resolución no DOG, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Vigo, 19 de maio de 2017
Salustiano Mato de la Iglesia
Reitor da Universidade de Vigo