Aprobado inicialmente, por Acordo plenario do 24 de abril de 2017, o proxecto de expropiación por taxación dos terreos afectos ao proxecto de senda na estrada do Adro Vello, entre os núcleos das Pozas (Petelos) e Seixabre (Torroso), no termo municipal de Mos (Pontevedra), redactado polo enxeñeiro Julio Roberes de Cominges, coa relación de propietarios que consta no anexo de expropiacións.

Sométese a información pública, cos seus documentos, polo prazo dun mes, mediante a inserción de anuncios no DOG, no BOP, na páxina web http://www.mos.es, no taboleiro de edictos do Concello de Mos e nun xornal dos de maior circulación da provincia, para que os que poidan resultar interesados formulen as observacións ou reclamacións convenientes, en particular no que atinxe á titularidade e á valoración dos seus respectivos dereitos.

Poderase consultar o expediente nese período na Oficina de Urbanismo do Concello de Mos, de luns a venres, das 9.00 ás 14.00 horas.

As publicacións referidas e, particularmente, os anuncios no Boletín Oficial da provincia e no taboleiro de edictos do concello servirán de notificación para os interesados e posibles titulares dominicais ou doutros dereitos reais ou intereses económicos directos sobre o ben que se vai expropiar que resultan descoñecidos, ou respecto dos cales se ignore o lugar para a práctica das notificacións, de acordo co previsto nos artigos 58 e 59.5 da Lei 30/1992, do 26 de novembro. Se efectuada a referida publicación non comparecen os propietarios descoñecidos, entenderanse as dilixencias co Ministerio Fiscal, ao cal se lle notificará este acordo.

Mos, 5 de maio de 2017

Nidia Mª Arévalo Gómez
Alcaldesa