Considerando que Obdulio Iglesias Otero reúne os requisitos sinalados nos puntos segundo e terceiro das bases para a provisión, por libre designación, do posto de traballo de xefe do corpo da Policía Local do Concello de Gondomar.

Considerando a acreditada experiencia en funcións de mando, así como os anos de servizo, estudos, cursos realizados e todos os méritos achegados por Obdulio Iglesias Otero.

En aplicación do disposto no artigo 27.1 da Lei 4/2007, do 20 de abril, de coordinación de policías locais de Galicia, que atribúe ao alcalde o nomeamento do xefe do corpo da policía local, polo sistema de libre designación, de acordo cos principios de igualdade, mérito e capacidade, tras a correspondente convocatoria pública.

En aplicación do disposto no Real decreto Lexislativo 5/2015, do 30 de outubro, polo que se aproba o texto refundido da Lei do estatuto básico do empregado público; na Lei 7/1985, do 2 de abril, reguladora das bases de réxime local; no Real decreto lexislativo 781/1986, do 18 de abril, polo que se aproba o texto refundido das disposicións legais vixentes en materia de réxime local; na Lei 2/2015, do 29 de abril, do emprego público de Galicia; no Real decreto 896/1991 e, supletoriamente, no Real decreto 364/1995, do 10 de marzo, polo que se aproba o Regulamento xeral de ingreso do persoal ao servizo da Administración xeral do Estado e de provisión de postos de traballo e promoción profesional dos funcionarios civís da Administración xeral do Estado, e nas demais normas restantes que resulten de aplicación, esta alcaldía resolve:

1. Nomear a Obdulio Iglesias Otero como xefe do corpo da Policía Local do Concello de Gondomar.

Gondomar, 18 de maio de 2017

Juan F. Ferreira González
Alcalde