Con data do 7 de abril de 2017, a xefa territorial da Consellería de Sanidade de Pontevedra ditou acordo de inicio do expediente sancionador 2017159ALPO, incoado na Xefatura Territorial da Consellería de Sanidade de Pontevedra contra a entidade Mariscos Ría de Vigo, S.L., con CIF B 36783579.
Tras intentar a notificación deste acordo consonte ao artigo 40 e seguintes da Lei 39/2015, do 1 de outubro, do procedemento administrativo común das administracións públicas, non puido practicarse, polo que mediante esta cédula notifícaselle a Mariscos Ría de Vigo, S.L., o contido do dito acordo, que figura no anexo, segundo o disposto no artigo 44 da devandita lei, para o seu coñecemento.
Así mesmo, fáiselle saber o dereito que a asiste, ao abeiro do disposto no artigo 76 da Lei 39/2015, do 1 de outubro, do procedemento administrativo común das administracións públicas, para presentar alegacións ante esta xefatura territorial no prazo de quince (15) días hábiles, que se contarán desde o seguinte ao da publicación desta cédula, lembrándolle o seu dereito a consultar o expediente, depositado nas dependencias desta xefatura, sita en Pontevedra, no Edificio Administrativo da Xunta de Galicia, rúa Fernández Ladreda, núm. 43, 1º andar, e obter, se é o caso, copia del, segundo o previsto no artigo 53.1.a) da dita lei.
Notifícaselle tamén que, de non efectuar alegacións sobre o contido do dito acordo no citado prazo, o acordo de inicio poderá ser considerado proposta de resolución cando conteña un pronunciamento preciso acerca da responsabilidade imputada, consonte o artigo 64.2.f) da Lei 39/2015.
Advírtese que antes da resolución do procedemento ten dereito ás reducións establecidas no artigo 85 da Lei 39/2015.
Esta cédula expídese para que conste e lle sirva de notificación á interesada, en cumprimento do disposto no artigo 44 da Lei 39/2015, do 1 de outubro. Así mesmo, faise constar que a eficacia da notificación quedará supeditada á súa publicación no taboleiro de edictos único (TEU) do Boletín Oficial del Estado (BOE).
Pontevedra, 27 de abril de 2017
Ángeles Feijoo-Montenegro Fernández
Xefa territorial de Pontevedra
ANEXO
Número do expediente: 2017159ALPO.
Denunciada: Mariscos Ría de Vigo, S.L., con CIF B 36783579.
Último enderezo coñecido: Porto Pesqueiro, Dársena 4, 36202 Vigo.
Feito imputado: suposta infracción en materia de seguridade alimentaria.
Preceptos presuntamente infrinxidos: artigos 3, 4, 5 e 6, punto 1 do capítulo I; puntos 1.a) e b) do capítulo II; punto 1 do capítulo V; puntos 1, 2, 3 e 4 do capítulo VI; punto 2 e 3 do capítulo IX; punto 1 e 2 do capítulo X do anexo II do Regulamento (CE) 852/2004, do 29 de abril, relativo á hixiene dos produtos alimenticios.
Punto 2 do capítulo III da sección VII do anexo III do Regulamento (CE) 853/2004, do 29 de abril, e modificacións posteriores, polo que se establecen normas específicas de hixiene dos alimentos da orixe animal.
Tipificación: infracción administrativa no artigo 51 punto 2 da Lei 17/2011, do 5 de xullo, de seguridade alimentaria e nutrición.
Sanción proposta: dez mil euros (10.000,00 €).