Procedemento ordinario 105/2016
Sobre reclamación de cantidade
Demandante: BMW Bank GMBH Sucursal de España
Procurador: Jesús Marquina Fernández
Avogado: Francisco Rodríguez-Gigirey Pérez
Demandado: Eduardo Félix Rosales Fernández
No procedemento de referencia ditouse a resolución cuxo encabezamento e parte dispositiva din así:
«Sentenza
En Ourense o 10 de novembro de 2016.
Darío-Carpio Estévez Pérez, maxistrado xuíz do Xulgado de Primeira Instancia número 3 de Ourense, ditou a presente no procedemento civil ordinario 105/2016, en que é parte demandante BMW Bank GMBH Sucursal de España, representada polo procurador Sr. Marquina e asistencia do letrado Sr. Gigirey Pérez, e como demandado Eduardo Félix Rosales Fernández, en situación de rebeldía procesual ao non comparecer á audiencia previa nin contestar á demanda, cos seguintes
Seguen antecedentes de feito e fundamentos de dereito:
Decido que, estimando a demanda presentada polo procurador Sr. Marquina, que actúa en nome e representación de BMW Bank GMBH Sucursal de España, fronte a Eduardo Félix Rosales Fernández e, na devandita razón, condénase este último a que aboe á demandante a cantidade de 6.142,70 euros á cal son de aplicación os xuros legais do modo xa exposto.
En canto a custas, obsérvese o acordado igualmente no punto correspondente.
Notifíquese esta resolución ás partes, facéndolles saber que contra ela cabe interpoñer recurso de apelación ante a Audiencia Provincial de Ourense nos termos previstos na LAC, na súa nova redacción.
Así por esta miña sentenza, definitivamente xulgando en primeira instancia, pronúncioo, mándoo e asínoo.
Darío Carpio Estévez Pérez. Asinado e rubricado».
E como consecuencia do ignorado paradoiro do demandado Eduardo Félix Rosales Fernández, expídese a presente para que sirva de cédula de notificación en forma.
Ourense, 31 de marzo de 2017
O/a letrado/a da Administración de xustiza