A Fundación Manuel Ventura Figueroa foi instituída no ano 1784 polos albaceas testamentarios de Manuel Ventura Figueroa, patriarca das Indias, arcebispo de Laodicea e gobernador do Consello e Cámara de Castela.
Na reunión do padroado da Fundación que tivo lugar o día 29 de decembro de 2016 acordouse que se publicaría a base de datos de parentes do fundador na páxina web (https://sites.google.com/site/fundacionmvfigueroa/), para que as persoas incluídas que detecten algún tipo de erro no entroncamento poidan dirixirse á Fundación, a través do seu vogal, o secretario xeral técnico da Consellería de Cultura, Educación e Ordenación Universitaria solicitar a corrección do erro.
En virtude do devandito acordo anúnciase a convocatoria para a determinación e clasificación de parentes do fundador, cuxo texto pode consultarse na seguinte páxina web (https://sites.google.com/site/fundacionmvfigueroa/).
Os interesados poderán presentar as súas solicitudes no lugar e durante o prazo establecido na convocatoria mediante o modelo que figura como anexo daquela.
O que se fai público para xeral coñecemento.
Santiago de Compostela, 12 de abril de 2017
Román Rodríguez González
Presidente do Padroado da Fundación Manuel Ventura Figueroa