No Boletín Oficial da provincia de Ourense (BOP) núm. 84, do 11 de abril de 2017, publicáronse as bases que rexerán a convocatoria pública para a cobertura, en réxime de interinidade, dunha praza vacante de administrativo, polo sistema de oposición libre, a teor do artigo 10.1ª) do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público (TRLEBE), e do artigo 23.2.a) da Lei 2/2015, do 29 de abril, do emprego público de Galicia (LEPGA). A citada praza do cadro de persoal do orzamento de 2016, prorrogado para o ano 2017, está encadrada dentro do persoal funcionario de carreira, escala de Administración xeral, subescala administrativa, grupo C, subgrupo C1, que quedou vacante por xubilación do titular.
O prazo de presentación de solicitudes será de vinte (20) días naturais, contados a partir do seguinte a aquel en que se publique o anuncio da convocatoria no Diario Oficial de Galicia.
Os sucesivos anuncios referentes a esta convocatoria cando proceda de conformidade coas bases, faranse públicos da maneira prevista nas propias bases.
Castrelo de Miño, 11 de abril de 2017
Xurxo Rodríguez Méndez
Alcalde