De conformidade co disposto nos artigos 44, 45 e 46 da Lei 39/2015, do procedemento administrativo común das administracións públicas, as persoas que se identifican no anexo, mediante a publicación no Boletín Oficial del Estado, acordo relativo á renovación da lista de espera para a atracada nas instalacións náutico-deportivas do porto de Beluso, por non ser posible a notificación a través do servizo de Correos nos enderezos que constan nos expedientes.
Debido ao tempo transcorrido dende a data de presentación das solicitudes e a entrada en vigor da nova normativa, a documentación presentada non se axusta á indicada no artigo 24 do Decreto 130/2013, do 1 de agosto, polo que se regula a explotación dos portos deportivos e das zonas portuarias de uso náutico-deportivo de competencia da Comunidade Autónoma de Galicia, as persoas identificadas deberán presentar orixinal ou fotocopia compulsada da documentación que a continuación se relaciona:
1. Contrato de seguro da embarcación, ao cal se engadirá a cobertura de remoción de restos da embarcación, acompañada polo último recibo da póliza asegurada.
2. Certificación actualizada pola Capitanía Marítima da folla de asento da embarcación (con data de expedición inferior a un ano e onde o solicitante apareza como titular da embarcación).
3. Permiso de navegación da embarcación.
4. Impreso de domiciliación de recibos debidamente cuberto e selado pola entidade bancaria correspondente.
De acordo cos termos do dito acordo establécese un prazo de dez (10) días contados desde o día seguinte ao da publicación desta cédula no BOE para presentar a documentación requirida.
No caso de non presentar a antedita documentación, presentala incompleta, de xeito deficiente, ou fóra do prazo indicado, entenderase que desiste da súa solicitude, ocupando o seu lugar o seguinte integrante da lista de espera.
Este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.
O expediente completo para o seu exame atópase nas dependencias de Portos de Galicia en Santiago de Compostela.
Santiago de Compostela, 20 de abril de 2017
José Ignacio Villar García
Director de Portos de Galicia
ANEXO
Solicitante |
Embarcación |
Matrícula |
Juan Antonio Bandrés Sierra |
Arroaz |
7ª-VILL-3-88-96 |
Juan Antonio Fernández Maña |
Crisana |
7ª-VILL-3-77-02 |
Francisco Javier Freire Arteta |
Indico Dos |
7ª-VI-5-210-01 |
Félix Antonio Gabarrón Cabero |
Caronte |
7ª-VI-5-219-04 |
Juan Miguel Gómez Sánchez |
Paneb |
7ª-PM-1-1749-92 |
Luis Gómez Vázquez |
Pedras Un |
7ª-VI-5-104-207 |
Julián Martínez Soutiño |
Golfeira |
7ª-VILL-3-94-06 |
Sogelectro, S.L. |
La Gavina Dos |
7ª-VILL-3-65 |
Jorge Vidal Barbosa |
Luka |
7ª-VI-5-61-04 |