A persoa titular da Xefatura Territorial da Coruña ditou a resolución do expediente sancionador XC-02326-I-2016 e cinco máis por infracción da normativa sobre transporte terrestre.

Intentada a notificación da resolución por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanselles as resolucións ditadas ás persoas interesadas.

Son informados/as de que os expedientes sancionadores se atopan á súa disposición nas oficinas do Servizo de Mobilidade da Coruña.

Comunícaselles que contra a resolución sancionadora, que non é definitiva na vía administrativa, cabe recurso de alzada, ante a director xeral de Mobilidade da Consellería de Infraestruturas e Vivenda, no prazo dun mes contado desde o día seguinte ao da publicación deste anuncio no BOE.

En caso de conformidade coa resolución sancionadora, a persoa interesada deberá aboar a multa imposta empregando o modelo impreso que se facilitará no Servizo de Mobilidade da Coruña.

No caso de non presentar recurso de alzada e non pagar a sanción imposta, procederase ao seu cobramento pola vía de constrinximento segundo o previsto na normativa vixente.

A Coruña, 7 de abril de 2017

César Concheiro Ceide
Xefe do Servizo de Mobilidade

ANEXO

Expediente Matrícula	Persoa sancionada DNI/CIF	Infracción cometida Data-Hora-Estrada-p.q.	Precepto cualificador	Precepto sancionador	Sanción imposta
XC-02326-I-2016 C-2055-BW	Intex Coruña, S.L. B15563455	Non levar a bordo do vehículo a documentación formal que acredite a posibilidade legal de prestar o servizo. 21.9.2016; 9.37; AP9 F; 25,100	Art. 142.8 LOTT	Art. 143.1.b) LOTT	201 euros
XC-02650-O-2016 9473-CBT	Transcoruña, S.L. B15743560	Non levar a bordo do vehículo o título habilitante ou a documentación formal que acredite a posibilidade legal de prestar o servizo. 14.7.2016; 12.40; N550; 33,9	Art. 142.8 LOTT	Art. 143.1.b) LOTT	201 euros
XC-02660-O-2016 1864-HMH	Ttes. J L Quesada, S.L. B20078911	A falta de consignación do lugar de comezo ou do final de utilización nunha folla de rexistro ou documento de impresión dos tempos de condución e descanso. 3.7.2016; 20.52; N634; 700,5	Art. 142.4 LOTT	Art. 143.1.c) LOTT	301 euros
XC-02661-O-2016 1864-HMH	Ttes. J L Quesada, S.L. B20078911	Diminución do descanso diario normal (sobre 11 horas). Igual ou superior a 10 horas e inferior a 11 horas. 3.7.2016; 20.48; N634 700,5	Art. 142.17 LOTT	Art. 143.1.a) LOTT	100 euros
XC-02810-O-2016 8066-FZS	José Otero Pérez 35477396B	O exceso igual ou superior ao 5 % e inferior ao 15 % sobre a MMA total en vehículos con MMA ata 12 toneladas. Exceso de peso igual ou superior ao 11 %. 24.9.2016; 19.37; AG-11; 40,0	Art. 142.2 LOTT	Art. 143.1.c) LOTT	375 euros
XC-02935-O-2016 3703-GKM	Hermanos Pallas, S.L. B15060320	Realizar transporte público regular de viaxeiros de uso xeral sen levar a bordo o orixinal da copia certificada ou a documentación formal que acredite a posibilidade legal de prestar o servizo. 9.10.2016; 10.15; AC413; 25,5	Art. 142.8 LOTT	Art. 143.1.b) LOTT	201 euros