Por medio deste anuncio realízase convocatoria do procedemento aberto, atendendo a oferta economicamente máis vantaxosa, con varios criterios de adxudicación e tramitación ordinaria, para a adxudicación do contrato do servizo de axuda no fogar (SAF básico e dependencia).
1. No perfil do contratante publícanse íntegros os pregos de cláusulas administrativas e prescricións técnicas que rexerán a contratación.
2. Entidade adxudicadora: Concello de Vilariño de Conso.
3. Dependencia que tramita o expediente: Secretaría.
4. Obtención de información: no perfil do contratante do concello (www.vilarinodeconso.es) e nas propias dependencias municipais.
5. Denominación: contrato do servizo de axuda no fogar (SAF básico e dependencia).
6. Tipo de contrato: servizo.
7. Procedemento: aberto.
8. Tramitación: ordinaria.
9. Orzamento/valor estimado:
O prezo máximo de licitación é de:
– Modalidade de dependencia: 12,02 €/hora + 4 % IVE = 12,50 €.
– Modalidade de libre concorrencia: 11,36 €/hora + 10 % IVE= 12,50 €.
Horas estimadas ao ano:
– Modalidade de dependencia: 2.252 horas/ano.
– Modalidade de libre concorrencia: 739 horas/ano.
– Total: 2.991 horas previstas.
Valor estimado anual:
– Modalidade de dependencia: 27.069,04 + 4 % IVE (1.082,76)= 28.151,80 €.
– Modalidade de libre concorrencia: 8.395,04 + 10 %IVE (839,50) = 9.234,54 €.
– Totais: 35.464,08 + 1.922,26 = 37.386,34 €.
10. Duración: un (1) ano, prorrogable un (1) ano.
11. Prazo de presentación de ofertas: as proposicións presentaránse en horario de atención ao público, dentro do prazo de quince (15) días hábiles contados desde o seguinte ao da publicación deste anuncio no Diario Oficial de Galicia.
12. Lugar de presentación: Rexistro Xeral do Concello de Vilariño de Conso (rúa do Museo, 3, de Vilariño de Conso) ou por correo, segundo o previsto no prego.
A apertura de proposicións terá lugar de conformidade co disposto nos pregos de claúsulas administrativas, que estarán publicadas no perfil do contratante do Concello de Vilariño de Conso, no cal consta a documentación precisa e demais datos necesarios para a licitación.
Sen prexuízo de calquera outro recurso que se considere procedente, o prego de condicións, os anuncios de licitación e os demais documentos contractuais que establezan as condicións que teñan que rexer a licitación serán susceptibles de recurso potestativo de reposición, ante o órgano de contratación do concello, no prazo dun mes e, alternativamente, de recurso contencioso-administrativo, ante o Xulgado do Contencioso-Administrativo de Ourense, no prazo de dous meses, contados ambos os prazos desde o día seguinte ao da publicación dos anuncios de licitación ou, de ser o caso, da última publicación (se non son simultáneos).
Vilariño de Conso, 27 de marzo de 2017
Ventura Sierra Vázquez
Alcalde
