Para os efectos previstos na Lei 24/2013, do 26 de decembro, do sector eléctrico, no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na disposición adicional quinta do Real decreto 900/2015, do 9 de outubro, polo que se regulan as condicións administrativas, técnicas e económicas das modalidades de subministración de enerxía eléctrica con autoconsumo e de produción con autoconsumo, sométese a información pública a petición de autorización da instalación eléctrica que se describe:
Solicitante: Maderas Ojea, S.L.
Domicilio social: lg. Luisa Seoane, s/n, 32510 O Carballiño (Ourense).
Denominación: instalación solar fotovoltaica Maderas Ojea de autoconsumo de 150 kW de potencia nominal e 150,54 kWp.
Situación: sobre cuberta da nave de Maderas Ojea, S.L. en Seoane-O Carballiño.
Características técnicas:
Superficie de 2.068 m2 ocupada con 558 módulos, 393 de 255 Wp por unidade e 165 de 305 Wp/ud., constituídos por células fotovoltaicas de silicio policristalino de alta eficiencia, modelos WS-255 e WS-305 de Waaree, con 3 inversores Kaco 60.0 TL3 de 50 kW/ud. A conexión da instalación fotovoltaica realízase no cadro xeral da rede interior do inmoble.
Orzamento: 149.750,00 euros.
Todas aquelas persoas ou entidades que se consideren afectadas poderán presentar as súas alegacións dirixidas a esta xefatura territorial, Curros Enríquez, 1-4º, 32872 Ourense, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Ourense, 31 de marzo de 2017
Xefe territorial de Ourense
P.S.L. (Decreto 175/2015, artigo 62.3)
Juan Ramón Velasco González
Xefe do Servizo de Administración Industrial