Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento ordinario 936/2013 deste xulgado do social, seguido a instancia de Iker Fernández Caballero contra Equipo Pispireta, S.L., Fogasa, ditáronse as seguintes resolucións:
«Dispoño: despachar orde xeral de execución a favor da parte executante, Iker Fernández Caballero, fronte a Equipo Pispireta, S.L., Fondo de Garantía Salarial (Fogasa), parte executada, por importe de 11.702,28 euros en concepto de principal (8.847 euros + 2.855,28 euros de xuros do artigo 29.3 ET), máis outros 1.170,22 euros que se fixan provisionalmente en concepto de xuros que, se é o caso, poidan percibirse durante a execución e as costas desta, sen prexuízo da súa posterior liquidación.
O presente auto, xunto co decreto que ditará o/a letrado/a da Administración de xustiza, e copia da demanda executiva, serán notificados simultaneamente á parte executada, tal e como dispón o artigo 553 da LEC, quedando a executada apercibida para os efectos mencionados nos razoamentos xurídicos terceiro e cuarto desta resolución, e conforme dispoñen os artigos 251.2 e 239.3 da LXS.
Contra este auto poderá interpoñerse recurso de reposición, a interpoñer ante este órgano xudicial, no prazo dos tres días hábiles seguintes á súa notificación, no que ademais de alegar as posibles infraccións en que houbese de incorrer a resolución e o cumprimento ou incumprimento dos presupostos e requisitos procesuais exixidos, poderá deducirse a oposición á execución despachada, aducindo pagamento ou cumprimento documentalmente xustificado, prescrición da acción executiva ou outros feitos impeditivos, extintivos ou excluíntes da responsabilidade que se pretenda executar, sempre que tiveren acaecido con posterioridade á súa constitución do título, non sendo a compensación de débedas admisible como causa de oposición á execución».
«Requirir á executada Equipo Pispireta, S.L., co fin de que no prazo de 10 días aboe a cantidade de 11.702,28 euros en concepto de principal (8.847 euros + 2.855,28 euros de xuros do artigo 29.3 ET), máis outros 1.170,22 euros que se fixan provisionalmente en concepto de xuros que, se é o caso, poidan percibirse durante a execución e as costas desta, sen prexuízo da súa posterior liquidación, ingresando o devandito importe na conta deste xulgado, aberta en Banco Santander co número IBAN ES55 0049 3569 9200 0500 1274 (nº expediente xudicial 1589 0000 64 0092 17), con apercibimento de que, no caso de non cumprir o requirimento no prazo conferido, se procederá ao embargo dos seus bens para cubrir a devandita suma, logo de indagación destes a través da aplicación informática deste xulgado.
Requirir a Equipo Pispireta, S.L., co fin de que no prazo de 10 días, manifeste relacionadamente bens e dereitos abondo para cubrir a contía da execución, con expresión, se é o caso, das cargas e gravames, así como, no caso de inmobles, se están ocupados, por que persoas e con que título, baixo apercibimento de que, no caso de non o verificar, poderá ser sancionado, cando menos, por desobediencia grave, no caso de que non presente a relación dos seus bens, inclúa nela bens que non sexan seus, exclúa bens propios susceptibles de embargo ou non desvele as cargas e gravames que sobre eles pesaren, e poderán impoñérselle tamén multas coercitivas periódicas».
E para que sirva de notificación en legal forma a Equipo Pispireta, S.L., en ignorado paradoiro, expido o presente edicto para a súa inserción no Diario Oficial de Galicia.
Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
Santiago de Compostela, 23 de marzo de 2017
A letrada da Administración de xustiza
